69 настайдаа хорт хавдраар өвчилсөн 103 настай гүйлтийн тамирчин, хорт хавдар, үе мөчний өвчнийг хэрхэн байгалийн жамаар эдгээж, урт наслаж буй нууцыг "Таймс оф Индиа" сонин нийтэлжээ.

103 настай Майк Фримонт, зүгээр ч нэг урт наслаж байгаа биш маш идэвхитэй амьдардаг. Олон хүмүүс нас ахих тусам идэвхгүй болж байхад, Майк шатаар авирч, сэлүүрт завь сэлүүрдэж, өдөрт 15 км тогтмол гүйдэг байна.

Майкыг 69 нас хүрэх үед, хорт хавдартай болсныг нь хэлж, хагалгаанд орохгүй бол түүнд ердөө гурван сар л амьдрах үлдсэнийг хэлсэн байна. Харин тэрээр бууж өгөлгүй, асуудлыг гартаа авснаар, Мичио Кушигийн "Хорт хавдраас урьдчилан сэргийлэх хоолны дэглэм" номноос санаа авч, ургамлын гаралтай макробиотик хоолны дэглэмд шилжсэн бөгөөд хэсэг хугацаа өнгөрөхөд түүний хорт хавдар арилаад зогсохгүй, үе мөчний үрэвсэл нь арилсан байна.

Түүний хоол нь, түүний эмийн сан болж, хооллолт нь зөв дадал болжээ

1994 оноос хойш Майк цэвэр ургамлын гаралтай хоолны дэглэм барьжээ. Гэхдээ энэ нь, ногооны нунтаг эсвэл нарийн төвөгтэй жор бүхий загварлаг хоолны дэглэм биш. Түүний өдөр тутмын цэс нь, бараг даяанчтай адил: бор будаа, уураар жигнэсэн ногоо, ялангуяа байцаа, лууван. Эрдэс бодисыг далайн байцаанаас авна, хамгийн чухал нь өдөр бүр хагас лааз шош /фасоль/ иддэг.

Үүнд шалтгаан бий. Буурцагт ургамлууд нь эслэг, уураг, фитохимийн бодисоор баялаг байдаг нь судалгаагаар хорт хавдар тусах эрсдлийг бууруулдаг. Ургамлын гаралтай хоол хүнс нь хорт хавдраас урьдчилан сэргийлэх, дархлааны системийг бэхжүүлэхэд чухал үүрэг гүйцэтгэдэг болохыг Дэлхийн хорт хавдар судлалын сан тэмдэглэсэн байдаг.

Үүнээс гадна Майк боловсруулсан хүнс,элсэн чихэр, мах, цагаан идээ, савласан хоол хүнс хэрэглэхээс зайлсхийдэг. Тэрээр хоол бэлтгэхдээ буцалгах, уураар жигнэх эсвэл исгэх байгалийн аргыг илүүд үздэг.

Хөдөлгөөн бол зөвхөн бие махбодийн үйл ажиллагаа биш, энэ бол амьдралын хэв маяг

Майкийг гайхалтай болгож байгаа зүйл нь зөвхөн түүний нас биш, харин амьдралынхаа туршид хөдөлгөөнийг эрхэмлэж ирсэн нь юм. Тэрээр 98 нас хүртлээ долоо хоногт гурван удаа 10 миль гүйж, өдөрт 48 давхартай дүйцэх шатаар алхдаг байжээ. Одоо ч гэсэн тэрээр сунгалтын дасгал хийж, сэлүүрт завиар хөнгөн сэлж чаддаг.

Түүний хувьд хөдөлгөөн, амьсгалахтай нь адил төрлөх чанар юм. Өвчний хяналт, урьдчилан сэргийлэх төвүүдийн мэдээлснээр, тогтмол биеийн хөдөлгөөн нь хөгшрөлтийг удаашруулж, үе мөчний эрүүл мэнд, танин мэдэхүйн үйл ажиллагааг хадгалахад тусалдаг. Майк хэзээ ч, фитнесс хөтөлбөрт явдаггүй. Тэр зүгээр л, өдөр бүр байгалиас заяасан хөдөлгөөнөө идэвхтэй хэвээр нь хадгалж байсан ажээ.

Нойрны хүч ба байгалийн хэмнэл

Нойрыг олон хүн ​​үл тоомсорлодог бол, харин Майкийн хувьд энэ нь ариун нандин зүйл юм. Тэр шөнө бүр 8-9 цаг унтдаг. Сэрүүлэг байхгүй, унтахын өмнө дэлгэц ашиглахгүй, төвөгтэй зүйл хийхгүй. Зүгээр л гүн нийрсох, тасралтгүй амрахыг эрхэмлэдэг.

Судалгаанууд үүнийг баталдаг: чанартай унтах нь эсийг нөхөн сэргээх, үрэвслийг багасгах, танин мэдэхүйн үйл ажиллагааг дэмжихэд чухал үүрэгтэй. Майкийн хувьд биеэ амраахдаа байгалийн хэрэгцээг хүндэтгэх хандлага нь асар их өөрчлөлтийг авчирсан.

Анагаах ухааны эсрэг биш ч, байгальлаг хэмнэлийг дэмжигч

Майк эмч нараас зайлсхийдэг гэж сайрхдаггүй. Тэрээр хоол хүнс нь түүнийг эдгээсэн гэж үздэг. Тэрээр байгальтайгаа зохицон амьдардаг: тэр өөрөө хүнсээ тарьж ургуулж, шүүсэн ус ууж, химийн нэмэлттэй хоол хүнс хэрэглэхээс зайлсхийж, гадаа агаарт цагийг зугаатай өнгөрүүлдэг.

Байгаль шүтсэн холбоо. Байгальд алхах нь хөрсөн дэх ашигтай бичил биетний нөлөөгөөр кортизол (стресс даавар)-ыг бууруулж, нойрыг сайжруулж, бүр дархлааг сайжруулдаг нь батлагдсан.

Ямар ч ид шид байхгүй - зүгээр л сахилга бат

Майкийн түүх бол гайхамшиг, хорт хавдар, үе мөчний өвчнийг ялан дийлж байсан 103 настай эрэгтэй. Гэхдээ бодит байдал дээр бол энэ нь өдөр тутмын ажил нь, хоол хүнсээ тааруулах, тогтмол хөдөлгөөн хийх, хангалттай унтах, хүрээлэн буй орчинтойгоо зохицон амьдрах зэрэг чимээгүйхэн амлалт байв. Шинжлэх ухаан эдгээр хэв маягийн ашиг тусыг баталдаг, гэхдээ хамгийн чухал зүйл бол, Майк тэднийг алдаршихаас нь өмнө бодитоор баталсан явдал юм. Тэрээр, урт наслах нь илүү их зүйлийг амьдралдаа нэмэх биш, харин үргэлж чухал байсан зүйлдээ буцаж очих явдал гэсэн түүхийг бүтээсэн юм.

Багаас эхэл:

• Эрүүл хооллоорой.
• Тогтмол хөдөл.
• Шөнөдөө 7-9 цаг унт.

Урт наслахад гэр бүл, хамт олон чухал

Гэр бүл, хамт олон нь урт наслалтыг хадгалахад чухал үүрэг гүйцэтгэдэг бөгөөд тэдний нөлөө нийгмийн харилцаанаас хамаагүй илүү байдаг. Хайртай хүмүүс, найз нөхөд эсвэл олон нийтийн оролцоотой нийгмийн идэвхитэй харилцаа холбоо нь, сэтгэл санааны дэмжлэг, бодит тусламж, бусдад хэрэгтэй гэсэн мэдрэмжийг өгдөг бөгөөд энэ нь, хамтдаа аливааг даван туулахад тусалдаг. Нийгмийн идэвхитэй харилцаатай хүмүүс, сэтгэлийн хямрал, түгшүүр, зүрхний өвчин, деменциа зэрэг архаг өвчинд нэрвэгдэх магадлал багатай бөгөөд тэд өвчнөөсөө илүү хурдан эдгэрдэг болохыг судалгаанууд харуулдаг байна.