АНУ-ын Иргэний харьяалал, цагаачлалын алба (USCIS) нь, АНУ-ын банкны данснаасаа хураамж төлөх шинэ аргыг нэвтрүүллээ. Одоо хувь хүмүүс, USCIS-д шууд гүйлгээ хийх боломжтой болох бөгөөд G-1650 маягт, ACH гүйлгээний зөвшөөрлийг бөглөж, гарын үсгээ зуран, хүсэлтийнхээ хамт илгээх шаардлагатай болно гэж тус агентлаг вэбсайтдаа мэдэгдэв.

Энэхүү алхам нь Америкийн банкны данс руу орох, төлөх төлбөрийг шинэчлэх тухай 14247 тоот тушаалтай нийцэж байгаа бөгөөд чек, мөнгөн гуйвуулга боловсруулахад шаардагдах цаг хугацаа, хөдөлмөрийг багасгах, түүнчлэн залилан, төлбөрийн алдагдал, хулгайн эрсдэлийг бууруулах зорилготой юм.

"Бид, төлбөрийн 90 гаруй хувийг чек болон мөнгөн гуйвуулгаар хүлээн авдаг бөгөөд энэ нь боловсруулалтыг удаашруулж, залилан мэхлэх, төлбөрийн алдагдалд орох эрсдэлийг нэмэгдүүлдэг. "Америк илүү сайжирч, бид үүнд хүргэхийг зорьж байна" гэж USCIS-ийн хэвлэлийн төлөөлөгч Мэттью Ж.Трагессер ярьжээ.

ACH дебит төлбөрийн шинэ сонголт нь, G-1450 маягт дээрх зээлийн картын төлбөрийн сонголтыг нөхөж, иргэдэд шаардлагатай хураамжийг төлөх олон сонголтыг өгдөг.

USCIS нь 2025 оны 10-р сарын 28 хүртэл цаасан чек, мөнгөн шилжүүлэг болон кредит/дебит картаар төлбөрийг үргэлжлүүлэн хүлээн авах болно. Энэ өдрөөс хойш USCIS зөвхөн G-1650 маягтыг ашигласан ACH дебит гүйлгээг эсвэл G-1450 маягтыг ашигласан кредит картын төлбөрийг хүлээн авна.

Нэмж дурдахад USCIS, Бодлогын удирдамжаа шинэчлэн G-1650 маягт дээрх ACH дебит гүйлгээг хүлээн зөвшөөрөгдсөн төлбөрийн хэрэгсэл болгон оруулсан байна.

Өргөдөл гаргагч нь, мэдүүлгийн бүх хураамжийг төлөхийн тулд, дансандаа хангалттай мөнгөтэй байх ёстой. Гүйлгээ татгалзагдсан тохиолдолд, USCIS мөн, аливаа өргөдөл, хүсэлтээс татгалзах болно. Хэрэв танд АНУ-д данс байхгүй бол G-1650 маягтыг ашиглах боломжгүй. Энэ тохиолдолд зээлийн картын гүйлгээний эрх олгох G-1450 маягт ашиглан, урьдчилсан төлбөрт зээлийн картаар мэдүүлгийн хураамж төлөх боломжтой.