Трампын засаг захиргаа, хүнсний талон (SNAP), Medicaid, орон сууцны татаас зэрэг төрийн халамж авдаг зарим цагаачдад грин карт олгохоос татгалзах боломжийг сэргээсэн шинэ журам баталлаа. Шинэ журам есдүгээр сарын 18-наас хэрэгжиж эхлэх бөгөөд грин карт хүсэгчид АНУ-д санхүүгийн дарамт болохгүй гэдгээ нотлох шаардлагатай болно.

Шинэ журмын дагуу, USCIS өргөдөл бүрийг тусгайлан үнэлж, өргөдөл гаргагчийн нас, эрүүл мэнд, гэр бүлийн байдал, хөрөнгө, орлого, боловсрол, ажил мэргэжил болон төрийн халамж авсан эсэхийг харгалзан шийдвэр гаргана. Харин дүрвэгчид, орогнол хүсэгчид болон зарим хүмүүнлэгийн ангилалд хамаарах хүмүүс энэхүү шалгуураас чөлөөлөгдөнө.

Трампын засаг захиргаа энэхүү өөрчлөлт нь, татвар төлөгчдийн мөнгийг хамгаалж, цагаачид өөрсдийгөө санхүүгийн хувьд авч явах ёстой гэсэн зарчмыг сэргээж байна гэж үзэж байгаа бол, хүний эрхийн байгууллагууд уг журам нь айдас төрүүлж, хууль ёсны халамж авах эрхтэй хүмүүсийг ч үйлчилгээ авахаас татгалзахад хүргэнэ гэж шүүмжилжээ.