2025 оны 8-р сарын 19-ний өдөр АНУ-ын Иргэний харьяалал, цагаачлалын алба (USCIS) виз, ногоон карт, ажиллах зөвшөөрөл, түүнчлэн EB-5 хөрөнгө оруулагчийн виз, АНУ-д оршин суух хугацааг сунгах, статусыг өөрчлөх, оюутны статусыг сэргээх хүсэлтийг хянан үзэх журамд шинэчлэлт хийсэн талаар зарлав. Одоо офицерууд хүсэлт гаргагчидыг, Америкийн эсрэг эсвэл антисемит үзэл бодолтой эсэхийг илүү хатуу шалгах болно гэж USCIS вэбсайтдаа мэдээлэв.

Үүнтэй холбоотойгоор, цагаачлалын өргөдлийг хүлээн авч батлахад ноцтой саад болох Америкийн эсрэг үзэл бодолтой эсэхийг илрүүлэхийн тулд олон нийтийн мэдээллийн хэрэгслийг шалгахад илүү анхаарах болно.

USCIS-ийн төлөөлөгч Мэттью Трагессер, АНУ-д ажиллаж амьдрах хүсэлтэй хүмүүсийг хатуу шалгаж сонгохыг уриалсан бөгөөд эдгээр өөрчлөлтүүд аль хэдийн хүчин төгөлдөр болон хэрэгжиж эхэлсэн нь, шинэ хуучин бүх өргөдлүүдэд хамаарна.

USCIS одоо, өргөдөл гаргагчдыг илүү нягт нямбай шалгаж, тэдний гарал үүсэл, өнгөрсөн үе, олон нийтийн мэдээллийн хэрэгслийг шалгахад онцгой анхаарал хандуулах болно.

EB-5 хөрөнгө оруулагчийн визэнд онцгой анхаарал хандуулж байна. Хэрэв, залилан мэхлэх, үндэсний аюулгүй байдалд заналхийлсэн болон гэмт хэргийн шинж тэмдэгтэй асуудал илэрсэн бол батлах магадлал эрс багасна. Өндөр боловсролтой болон амжилт гаргасан хүмүүс (national interest waiver), мөн статусаа сунгасан оюутнууд (F эсвэл M), ажиллах зөвшөөрөл хүссэн хүмүүс, ногоон карт олгодог бусад EB визний мэдүүлэгт ч мөн адил хамаарна.

USCIS нь Америкийн эсрэг үзлийг тодорхойлохын тулд олон нийтийн мэдээллийн хэрэгслийн скринингээ өргөжүүлсэн. Цагаачдын гарал үүсэл, олон нийтэд, ялангуяа онлайн мэдээлэлэлд хандах харилцааг маш анхааралтай шалгана гэсэн үг юм. Америкийн эсрэг эсвэл антисемит үзэлтэйд тооцогддог бүлгүүдийн хүмүүстэйхолбоотой байх нь цагаачлалын аливаа хүсэлтийг хориглоход хүргэх бүрэн магадлалтай.

"Америкийн эсрэг үзэл" гэж юу вэ

• Шинэчилсэн удирдамжийн дагуу Америкийн эсрэг санаанууд нь дараахь зүйлийг агуулж болно.
• Террорист гэж ангилагдсан бүлгүүдийн үзэл бодлыг дэмжих буюу сурталчлах (АНУ-ын хуулийн дагуу INA 313(a) гэх мэт);
• Америкийн үнэт зүйлсийн эсрэг хэлсэн үг, үйлдэл (ардчилал, үг хэлэх эрх чөлөө, АНУ-ын үндэсний аюулгүй байдал);
• Антисемитизмыг сурталчлах, тэр дундаа антисемитийн террорист байгууллага эсвэл санааг дэмжих.

Практикт бүх зүйл субъектив бөгөөд тухайн офицерын хүлээн авалтаас ихээхэн хамаардаг. Жишээлбэл, олон нийтийн мэдээллийн хэрэгслээр АНУ-ын бодлогыг хатуу шүүмжилснийг Америкийн эсрэг үзэл гэж үзэхгүй байх боломжтой, харин АНУ-ыг эсэргүүцдэг радикал хөдөлгөөн эсвэл бүлгүүдийг дэмжихийг Америкийн эсрэг үзэлтэй гэж тооцоход хүргэнэ.

"Америкийн эсрэг үзэл"-ийн шалгалт практик дээр хэрхэн хэрэгждэг талаар.

"Америкийн эсрэг үзэл санаа"-ны шалгалт нь мэдээллийн олон эх сурвалжид дүн шинжилгээ хийх цогц бөгөөд олон давхаргат үйл явц юм. 2025 оны 8-р сарын 19-ний мэдээлэл, шинэчилсэн удирдамжид үндэслэсэн Америкийн эсрэг үзлийг шалгах гол алхамууд:

1. Нийгмийн сүлжээг шалгах

USCIS нь Америкийн эсрэг үзэл бодлыг илрүүлэхийн тулд, олон нийтийн мэдээллийн хэрэгсэл (X, Facebook, Instagram болон бусад платформууд) дээрх нийтлэл, сэтгэгдэл, дуртай зүйлс, тэр ч байтугай захиалгыг шалгахболно. Америкийн эсрэг үзэл санаа бүхий гийтлэлийг дамжуулах, хуваалцах, лайк дарах, сэтгэгдэл бичихийг"Америкийн эсрэг үзэл"-д тооцож болно.Мөн, ISIS-ын аливаа нийтлэлийн доор сөрөг эможи тавих нь таныгтөсөөлөөгүй байдалд хүргэх магадлалтай. Шалгах үйл явц нь, агуулгыг шинжлэхэд автоматжуулсан хэрэгслийг ашиглахын зэрэгцээ сэжигтэй тохиолдолд офицерууд биечлэн хянадаг.

2. Урд нь өгч байсан өргөдөл, цагаачлалын түүхийг хянан үзэх

USCIS нь таныг өнгөрсөн хугацаанд цагаачлалын системтэй хэрхэн харилцаж байсныг хардаг. Жишээлбэл, хилээр нэвтрэх хүсэлт гаргах үед болон парольд хамрагдахдаа хууль тогтоомжийг дагаж мөрдсөн эсэх. Мөн визний зөрчилтэй, албадан гаргагдаж байсан эсвэл цагаачлалын статустай холбоотой бусад асуудалтай тулгарч байсан эсэх. Үүнд, бичиг баримтаа буруу бүрдүүлж байсан болон дүрэм зөрчиж байсан бол энэ нь цагаачлалын хуулийг дагаж мөрдөөгүйд тооцогдож, таны хүсэлтэд сөргөөр нөлөөлнө.

3. Ярилцлага ба үндсэн мэдээлэл

Виз, ногоон карт болон бусад хөнгөлөлтүүдийн талаар ярилцах үед USCIS-ийн ажилтнууд таны харьяалал, гарал үүслийн талаар болон АНУ, түүний бодлого, зарим үйл явдлын талаарх таны үзэл бодлыг асууж болно. Таны талаарх мэдээллийг судалж, Америкийн эсрэг эсвэл террорист гэж үзсэн байгууллагуудтай холбоотой байж болзошгүйг тодорхойлно. USCIS нь Холбооны мөрдөх товчоо, Дотоодын аюулгүй байдлын яам (DHS) болон Төрийн департаменттай хамтран өргөдөл гаргагчдын мэдээллийг шалгадаг.

Цагаачдад зориулсан практик зөвлөмжүүд

1. Олон нийтийн мэдээллийн хэрэгсэлд болгоомжтой хандах Радикал эсвэл Америкийн эсрэг үзэл санааг дэмжсэн нийтлэлд лайк дарах, хуваалцахаас зайлсхий. Тэр ч байтугай хошигнол эсвэл маргаантай тайлбарууд буруугаар эргэж болно.
2. Цагаачлалын хуулиудыг дагаж мөрд: Таны өмнөх бүх өргөдөл, виз, аялал нь дүрэмд нийцсэн эсэхийг шалгаарай. Бага зэрэгийн зөрчил ч таны эсрэг ашиглагдах боломжтой.
3. Ярилцлагадаа бэлд: Хэрэв танаас үзэл бодол, харьяаллын талаар асуувал тодорхой бөгөөд үнэнчээр хариул. Зөрсөн мэдээллүүд нь сэжиг төрүүлж болзошгүй.
4. Холбоо сүлбээгээ сайтар шалгах: Америкийн эсрэг эсвэл террорист ангилалд багтах байгууллага, хувь хүмүүстэй холбоотой эсэхээ шалгаарай.