Эмч нар бага наснаас маань л бидэнд, өвчин хожуу үе шатанд шилжихээс урьдчилан сэргийлэх нь хэр чухал болохыг мөн, урьдчилан сэргийлэх үзлэгт тогтмол хамрагдахыг зөвлөсөөр ирсэн. Харин үүнийг үл тоосноор эцэст нь, ихэнх хүмүүс үнэхээр цөхрөнгөө барсан үедээ л эмчид ханддаг. Хүмүүсийн зарим нь үүнийгээ завгүй амьдарлаараа зөвтгөж, нэг хэсэг нь мөнгөө хэмнэхийг хичээдэг бол, зарим нь зүгээр л эмнэлгийн уур амьсгалыг таагүй гэж үздэг. Гэтэл, эцсийн эцэст эдгээр бүх шалтаг нь, уул нь амархан зайлсхийх боломжтой байсан аймшигт өвчинд хүргэж болзошгүй байдаг байна.

Кайзерын гэр бүлийн сан (KFF)-ийн 2021 оны 3-р сард нийтэлсэн судалгаа, цар тахлын эхэн үеэс хойш эмэгтэйчүүд, эрчүүдээс илүү урьдчилан сэргийлэх эмнэлгийн үзлэгт хамрагдаагүй. Эмэгтэйчүүдийн 38 хувь, эрэгтэйчүүдийн 26 хувь нь жилийн үзлэг эсвэл тогтмол үзлэгт хамрагдаагүйг харуулжээ.

Нью-Ойркод төвтэй,Фиделис Кэйр даатгалын компани нь, ихэнх даатгалын төлөвлөгөө урьдчилан сэргийлэх үзлэгийн зардлыг нөхдөг. Харамсалтай нь даатгуулагч бүр үүнийг мэддэггүй гэсэн байна.

Урьдчилан сэргийлэх нь тэдний хэлснээр маш чухал уу? Статистик мэдээллээр, эхний шатандаа амархан анзаарагддаггүй гурван аюултай өвчнийг жишээ болгон авч үзэхэд, хэдий чинээ эрт илрүүлбэл эмчилгээ нь үр дүнтэй, харин орхигдуулбал эдгээр өвчин амь насанд аюултай . Тэдгээрийн хоёр нь, эмэгтэйчүүдэд тохиолддог бол гурав дахь нь хоёр хүйсийн хүмүүсийн дунд нэлээд түгээмэл тохиолддог байна.

Хөхний хорт хавдар

Статистик мэдээллээр АНУ-д эмэгтэйчүүдийн 12.9% (буюу найман хүн тутмын нэг) амьдралынхаа аль нэг үед хөхний хорт хавдартай гэж оношлогддог. АНУ-д эмэгтэйчүүдийн дунд хөхний хорт хавдрын нас баралтын түвшин, уушгины хорт хавдраас бусад бусад төрлийн хорт хавдраас өндөр байдаг. Хөхний хорт хавдар нь Америк эмэгтэйчүүдэд хамгийн их оношлогддог хорт хавдар бөгөөд оношлогдсон бүх хорт хавдрын 30 орчим хувь нь хөхний хорт хавдар юм. Энэ өвчин жилд 40,000 гаруй Америк эмэгтэйчүүдийн амийг авч оддог. Хөхний хорт хавдрыг эмчлэх магадлал нэлээд өндөр бөгөөд илэрсэн үе шатнаас шууд хамаардаг. Тиймээс хэрэв хавдар эрт үе шатанд (нэг газарт байрласан үед) илэрвэл хорт хавдарыг дарах магадлал 99% байдаг. Хэрэв хорт хавдар ойролцоох тунгалгийн булчирхайд тархсан бол эдгэрэх магадлал 85.8% байдаг. Гэсэн хэдий ч эцсийн шатандаа үсэрхийлсэн хорт хавдартай өвчтөнүүдийн зөвхөн 29% нь л амьд үлддэг байна. Энэхүү аюултай өвчин нь, эхний шатандаа ямар ч шинж тэмдэг илэрүүлдэггүй тул хэрэв та тааламжгүй шинж тэмдэг илрээгүй хэмээн, урьдчилан сэргийлэх маммографийн үзлэгт хамрагддаггүй бол амьд үлдэх магадлал тань мэдэгдэхүйц буурсаар байх болно.

АНУ-ын ихэнх даатгалын төлөвлөгөөнд, даатгалаар 100% төлөгддөг урьдчилан сэргийлэх эрүүл мэндийн үйлчилгээ багтдаг. Эдгээрт ихэвчлэн 40-өөс дээш насны эмэгтэйчүүдэд жил бүр хийдэг маммографи, мөн хорт хавдрын шинж тэмдгийг илрүүлэх эмчийн үзлэг болон зарим төлөвлөгөөнд хэт авиан болон бусад үйлчилгээ орно.

Умайн хорт хавдар

Статистик мэдээллээс харахад, АНУ-ын эмэгтэйчүүдийн 3.1% нь амьдралынхаа аль нэг үед умайн хорт хавдартай гэж оношлогддог. Энэ төрлийн хорт хавдар нь хөхний хорт хавдраас бага тохиолддог боловч нас барах эрсдэл өндөр байдаг. Мөн адил, эдгэрэх магадлал нь өвчин илэрсэн үе шатнаас ихээхэн хамаардаг. Хавдар байршсан эхний шатанд эдгэрэх магадлал 94.9% байдаг; хэрэв хавдар ойролцоох тунгалгийн булчирхайд тархсан бол өвчтөнүүдийн 69.3% давж гарна. Эцсийн шатандаа байгаа умайн хорт хавдар (метастазтай)-ын зөвхөн 17.8%-д нь эмчлэгддэг.

АНУ-ын ихэнх даатгалын төлөвлөгөөнд эмэгтэйчүүдийн урьдчилан сэргийлэх үзлэг даатгалаар төлөгддөг.

Арьсны хорт хавдар

Энэ өвчин нь эмэгтэйчүүд, эрэгтэйчүүдэд аль алинд нь тохиолддог. Энэ өвчин дэлхий даяар улам бүр ихэсч, нар болон бусад хортой хүчин зүйлсийн улмаас орчин үеийн гол аюул заналхийллийн нэг болсон. Меланома бол Америкт хамгийн түгээмэл тохиолддог таван хорт хавдрын нэг юм. Статистик мэдээллээс харахад АНУ-ын оршин суугчдын 2.3% нь амьдралынхаа аль нэг үед меланома оношлогддог.Энэ өвчний нууцлаг шинж чанар нь түүний нарийн эхлэлд оршдог. Нэгдүгээрт, бид мэнгэний өөрчлөлт эсвэл арьсан дээрх шинэ толбо, ялангуяа нуруун дээр эсвэл чихний ард гарч ирснийг анзаардаггүй. Хоёрдугаарт, мэнгэний үс унах эсвэл биеийн тодорхой харагдах хэсэгт ч гэсэн өнгө, хэмжээ бага зэрэг өөрчлөгдөхийг мөн анхаардаггүй. Тиймээс энэ хорт хавдрыг эрт үе шатанд нь анзаардаггүй. Гэсэн ч, мэргэжлийн эмч үзлэгийн үеэр хурдан илрүүлж, болзошгүй аюулыг хурдан арилгах боломжтой байдаг. Меланомагийн хувьд энэ нь амьдрал, үхлийн асуудал юм. Энэ төрлийн хорт хавдрыг эрт үе шатанд нь илрүүлэх нь 99.4% эдгэрэлд хүргэдэг бол үсэрхийлсэн хожуу үе шатанд энэ үзүүлэлт 29.8% байдаг. Энэ өвчнөөс урьдчилан сэргийлэхийн тулд та жилд нэг удаа эсвэл зургаан сар тутамд (нас, бие дээрх мэнгэний тооноос хамаарч) арьсны эмчид урьдчилан сэргийлэх үзлэгт хамрагдах, мөн нарны тосыг тогтмол хэрэглэх хэрэгтэй. Нарны тос нь арьсны хорт хавдар тусахгүй гэсэн баталгаа өгдөггүй ч эрсдэлийг эрс бууруулдаг.

Эдгээр гурван нийтлэг өвчнийг (болон бусад) эрт үе шатанд нь амархан эмчилдэг боловч, зөвхөн мэргэжилтэн л эрт үе шатанд нь илрүүлж чадна. Хөхний эмч, эмэгтэйчүүдийн эмч, арьсны эмч болон бусад эмч нарын (таны өвчний түүхээс хамааран) урьдчилан сэргийлэх үзлэг нь таны амийг аварч чадна.

Эдгээр үзлэгийг та, эрүүл мэндийн даатгалдаа хамруулж болно. Хэрэв та зөв даатгал сонговол, халааснаасаа нэг ч цент зарцуулахгүйгээр урьдчилан сэргийлэх үзлэгт хамрагдах боломжтой байдаг байна.