Өнгөрсөн амралтын өдрүүдэд Ерөнхийлөгч Дональд Трамп, холбооны засгийн газраас Боломжийн үнэтэй тусламж үйлчилгээний тухай хууль (ACA)-ийн дагуу даатгалын компаниудад төлдөг татаасыг Америкчуудад өөрсдөд нь шууд өгөхийг санал болгосон гэж ABC News мэдээлэв.

"Би Сенатын Бүгд Найрамдахчуудад, аймшигтай Обамакэйр системийг дэмжих зорилгоор шуналтай даатгалын компаниудад одоо зарцуулагдаж буй хэдэн зуун тэрбум долларыг АРД ТҮМЭНД ШУУД өгөхийг зөвлөж байна.Ингэснээр тэд, одоо байгаагаас хамаагүй илүү сайн эрүүл мэндийн тусламж үйлчилгээг өөрсдөө худалдаж авахын зэрэгцээ үлдсэн мөнгөө хадгалах боломжтой болно" гэж Трамп олон нийтийн мэдээллийн хэрэгслээр бичжээ.

Энэ бол, 2024 оны 9-р сард болсон ерөнхийлөгчийн мэтгэлцээний дараа хэлсэн анхны үгүүдийн нэг байсан бөгөөд тэрээр ACA-г солих бодолтой байгаа мөн, төлөвлөгөөний "концепц"-тэй гэдгээ мэдэгдсэн юм. Зарим Бүгд Найрамдахчууд энэ санааг дэмжиж байгаа бөгөөд үүнд Өмнөд Каролинагийн сенатор Линдси Грэм үүнийг "үнэхээр гайхалтай" гэж нэрлэжээ.

Одоогоор ACA даатгуулагчдын 90 орчим хувь нь татаас авах эрхтэй бөгөөд энэ нь сарын даатгалын шимтгэлийн зардлыг бууруулдаг татварын хөнгөлөлт юм. Засгийн газар татаасыг даатгагчдад шууд илгээдэг. Энэхүү татаас нь Обамагийн засаг захиргааны үед батлагдсан анхны ACA-ийн нэг хэсэг байсан бөгөөд 2021 онд, хэдийн хамрагдах эрхтэй хүмүүст илүү их тусламж үзүүлэх, ашиг хүртэгчдийн хүрээг өргөжүүлэх зорилготой байсан. Трампын долдугаар сард, "Том үзэсгэлэнтэй хууль" гэж нэрлэн уг татаасыг сунгаагүй бөгөөд жилийн эцэст хугацаа нь дуусахаар төлөвлөсөн юм.

Жорж Вашингтоны Их Сургуулийн Нийгмийн эрүүл мэндийн сургуулийн Милкен хүрээлэнгийн Эрүүл мэндийн бодлогын судалгааны төвийн профессор, захирал Лейтон Ку, "Ерөнхийлөгчийн санаа маш муу боловсруулагдсан санаа. Үнэнийг хэлэхэд тэр зүгээр л санал болгох зүйлтэй гэдгээ харуулахыг оролдсон гэж би бодож байна."хэмээн ихээхэн шүүмжлэлтэй хандсанаа илэрхийлсэн бол, Цагаан ордны хэвлэлийн төлөөлөгч Куш Десай, "Ерөнхийлөгч Трамп, Жо Байденаас өвлөн ирсэн хямрал болон эдийн засгийн зогсонги байдлыг буцаах гэсэн эхний өдрийн тэргүүлэх чиглэлдээ үнэнч хэвээр байна. Өөрсдийгөө шинжээч гэж нэрлэдэг хүмүүс,ерөнхийлөгчийн санаачилгын нарийн ширийн зүйлийн талаар үндэслэлгүйгээр таамаглал дэвшүүлэхийн оронд засаг захиргаа тодорхой бодлогын саналуудыг танилцуулах хүртэл яаран дүн шинжилгээ хийхээ болих хэрэгтэй."гэж бичжээ.

Америкчуудын өсөн нэмэгдэж буй зардал

Жонс Хопкинсын нэрэмжит Блүүмбергийн Нийгмийн эрүүл мэндийн сургуулийн эрүүл мэндийн бодлого, олон улсын эрүүл мэндийн профессор Жералд Андерсон, Трампын санал нь хоёр боломжит хувилбарыг гаргаж ирж байгаа бөгөөд хоёулаа онолын хувьд боломжтой боловч хоёулаа мэдэгдэхүйц өөрчлөлтөд хүргэнэ гэж хэлжээ.

Эхний сонголт: ACA даатгуулагчид, мөнгө хүлээн авч, эмнэлгийн үйлчилгээний төлбөрийг даатгагчаар дамжуулахгүйгээр шууд төлнө. Энэ нь даатгалын системд нөлөөлөх магадлал багатай гэж тэр хэлэв.

Хоёр дахь сонголт: Америкчууд мөнгө хүлээн авч, албан ёсны даатгалын зах зээл дээр биш, харин сонгосон даатгалаа худалдаж авна.

"Энэ тохиолдолд, энэ нь Боломжийн үнэтэй тусламж үйлчилгээний тухай хууль болон системд бүхэлд нь мэдэгдэхүйц нөлөө үзүүлж болзошгүй юм, учир нь ACA-ийн бирж дээрх даатгалын багцууд хүчин төгөлдөр бөгөөд хүмүүст үйлчилгээ үзүүлдэг эсэхийг баталгаажуулах зорилгоор бүтээгдсэн. Өмнө нь бид огт даатгалгүй хуурамч даатгал ихтэй байсан." гэж онцолсон байна.

Харин Ку, “Трампын санаа залуу, эрүүл хүмүүст сайнаар нөлөөлж болох ч, ахмад настан болон архаг өвчтэй хүмүүсийн нөхцөл байдлыг улам дордуулна. Жишээлбэл, залуу, эрүүл хүнд 1000 долларын татаас өгөхөд, даатгалын зардалд нь хангалттай хүрнэ. Харин ахмад настай эсвэл чихрийн шижин, зүрхний өвчин, ХДХВ зэрэг архаг өвчтэй тохиолдолд даатгалын өртөг нь маш өндөр учираас, 1000 доллар нь ACA-аас одоо авч буй татаастай харьцуулахад огт хангалтгүй байх болно. ACA зах зээл нь, хүмүүсийг харьцуулах, түвшний хамрах хүрээг тооцох, өвчтөнүүдийн биеийн байдлаас нь хамааран өөр өөр үнэ тогтоохоос хамгаалах зорилгоор бүтээгдсэн” гэж бичжээ.

Андерсон, “Хэрэв залуу, эрүүл хүмүүс, даатгалын сангаас хамгийн бага даатгал худалдаж авах эсвэл татгалзаж эхлэвэл, хүмүүсийн шимтгэл нийтдээ нэмэгдэх болно. Санхүүгийн санд, хүнд эсвэл архаг өвчтэй хүмүүсийн эзлэх хувь өндөр байх тусам нийт зардал өндөр, болж, шимтгэл хурдан өснө. Энэ нь даатгуулагчдын тоо буурах үед,шимтгэл өсөхийн хэрээр үхлийн спираль гэгддэг зүйлд хүргэдэг. Даатгагчид ноцтой өвчтэй хүмүүсийг хүлээн авахаас зайлсхийхийн тулд, цоорхойг байнга хайх болно. Үүний үр дүнд шимтгэл маш өндөр болж, даатгалд онцгой шаардлагатай хүмүүс ч үүнийг төлж чадахгүйд хүрч магадгүй." гэж тайлбарлав.

Энэ нь даатгалын компаниудад хэрхэн нөлөөлөх вэ?

Шинжээчдийн үзэж байгаагаар, Трампын санаа нь даатгагчдад давуу болон сул талуудыг аль алийг агуулж байна.

Андерсон, “Холбооны засгийн газар одоогоор бага орлоготой хүмүүсийг дэмжих зорилгоор даатгалын компаниудад ACA-ийн татаас олгож байгаа. Харин, хүмүүст 15,000 - 20,000 доллар өгөөд эхлэвэл, тэд энэ мөнгийг даатгалд бус харин бусад хэрэгцээнд зарцуулах өндөр магадлалтай” гэжээ.

Ку, “ACA-ийн дагуу даатгагчид хувь хүн болон жижиг бүлгийн даатгалын шимтгэлээс олсон орлогынхоо 80%-ийг эмнэлгийн тусламж үйлчилгээнд зарцуулах ёстой бөгөөд 20%-ийг захиргааны болон нэмэлт зардалд зарцуулахаар заасан байда. Үүнийг Трампын санаа тусгаагүй. Хэрэв хүмүүс, том даатгалуудын оронд хувь хүний даатгалын бодлого худалдаж аваад эхлэвэл, тэдний санхүүгийн хамгаалалт сулрах болно. Тиймээс ийм схем амжилтгүй болно” гэж нэмж тайлбарлажээ.