Трамп 2020 оны сонгуулийн дүнг өөрчлөхийн тулд АНУ-ын үндсэн хуулийг хүчингүй болгохыг хүсч байна

Арванхоёрдугаар сарын 3-нд Дональд Трамп 2020 оны сонгуулийн үр дүнг өөрчилж, эрх мэдлээ сэргээхийн тулд Үндсэн хуулийг цуцлахыг уриалсан. Тэрээр сонгуулийн дүнг үгүйсгэж, хуйвалдааны онолыг сурталчилсаар байна гэж CNN мэдээллээ.

Трамп, сонгуультай холбоотой томоохон хэмжээний луйвар нь Үндсэн хуульд заасан бүх дүрэм, журам, заалтуудыг хүчингүй болгох боломжийг олгодог, мөн Big Tech-ийг Ардчилсан намынхантай хэт нягт хамтран ажиллаж байна гэж буруутгамаар байна. Манай улсын агуу "үүсгэн байгуулагчид" худал, луйврын сонгуулийг зөвшөөрч байгаагүй, зөвшөөрөхгүй байх байсан гэж Truth Social нийгмийн сүлжээн дэх нийтлэлдээ бичжээ.

Дуулианы төвд

Өнгөрсөн сард Трамп ерөнхийлөгчийн сонгуульд нэр дэвшинэ гэдгээ зарласан бөгөөд түүнийг Бүгд найрамдах намын дарга гэж тооцдог. Тус намын удирдагчид, дунд шатны сонгуулийн үр дүн сул гарсны дараа Трамп сонгуулийг үгүйсгэсэн яриагаа орхино гэж найдаж байсан юм. Энэ долоо хоногийн эхээр Трамп 2021 оны 1-р сарын 6-нд АНУ-ын Капитол руу хийсэн халдлагын үймээн дэгдээгчдийг дэмжиж байгаагаа илэрхийлж, хандив цуглуулах үеийг харуулсан видео бичлэгт "Хүмүүст, үндсэн хууль зөрчин, хэт шударга бус хандсан. Тиймээс бид үүний учрын олохын тулд эцсээ хүртэл явах болно" гэжээ.

Есдүгээр сард өгсөн ярилцлагадаа Трамп, яллагдагч нарын заримыг "санхүүжүүлж" байгаагаа мэдэгдэж, хэрвээ дахин сонгогдвол хавчигдаж байгаа хүмүүсийг өршөөж, засгийн газраас уучлалт гуйна гэж амласан байна.

Тэрээр мөн өөрийн Мар-а-Лаго амралтын газарт, цагаан арьст үндсэрхэг үзэлтэн, Холокостыг үгүйсгэгч Ник Фуэнтес болон еврейн эсрэг үзэл баримтлагч,  реппер Канье Уэст нартай хамт хооллосон нь шүүмжлэлд өртөөд байгаа юм.