Техас дахь асрамжийн газарт 20 гаруй өндөр настан сэжигтэйгээр нас барж, уг газрын эзэн хүн амины хэрэгт сэжиглэгдэж байна

Арлингтоны цагдаа нар зөвшөөрөлгүй ахмадын асрамжийн компанитай холбоотой наад зах нь 20 хүн нас барсан хэргийг шалгаж эхэлсэн бөгөөд өнгөрсөн сард уг газрын эзэн 49 настай Регла Бекерийг баривчилж, үйлчилүүлэгчиддээ хүч хэрэглэдэг, хайхрамжгүй ханддаг, мөн хулгай, залилан хийсэн хэргээр буруутгаж байгаагаа зарласан. NBC 5-ийн мэдээлснээр, түүнийг нас барсан хүмүүсийн асуудал болон хохирогчдын нэгнийх нь гэрээслэлтэй холбоотойгоор шалгаж байна.

Энэ оны гуравдугаар сард цагдаагийн хэлтсээс, 20-иод үйлчлүүлэгч хачирхалтай нөхцөлд нас барсантай холбоотой, ахмад настнуудыг асардаг “Love and Caring for People” ХХК-ийн эзэн 49 настай Регла (Сөө) Беккерийг баривчилсан юм. Бекер үхлийн тохиолдол их гардаг Хойд Техас мужид хэд хэдэн асрамжийн газар эзэмшиж, ажиллуулдаг байна.

Цагдаа нарын мэдээлснээр энэ оны нэгдүгээр сард 13 хүн нас барсан бөгөөд шалгах явцад, “Үйлчлүүлэгчид болон тэдний гэр бүлээс бидний сонссон түүхүүд сэтгэл түгшээм аймшигтай байсан” гэж Арлингтоны цагдаагийн хямралын үед хөндлөнгөөс оролцох мэргэжилтэн Келли Лэнд ярьжээ.

Үүнээс гадна хууль сахиулагчид, өмнө нь Карен Уолкер гэх эмэгтэйн эзэмшиж байсан Арлингтон хотын байшин, зөвхөн нэг өгүүлбэрээс бүрдсэн, “Бүх эд хөрөнгө, байшингаа Беккерт үлдээв” гэсэн, нас барахаасаа хоёр долоо хоногийн өмнө гараар бичсэн гэрээслэлээр хэрхэн Беккерийн эзэмшилд очсоныг шалгаж байна. Уокер, Беккерийн үйлчлүүлэгчдийн нэг байсан бөгөөд 2022 оны 10-р сарын 26-нд Мансфилд дахь асрамжийн газарт нас баржээ. 

АНУ-ын телевизийн мэдээллийн суваг NBC 5, Бекерийн өмгөөлөгчдөөс хэргүүдийн талаар тайлбар авахыг хүссэн боловч тэд ямар нэг мэдээлэл өгөхөөс татгалзсан байна.

Цагдаагийн ажилтнууд Бекерийн ажиллуулж болох бусад асрамжийн газруудыг олоход нь туслахыг олон нийтэд уриалав. Хууль сахиулагчид "Love and Caring for People" ХХК-ийн одоогийн болон хуучин үйлчлүүлэгчид болон тэдний гэр бүлийнхэнтэй ярилцахыг хүсч байна. Тэдний мэдээллээр Беккер дор хаяж таван асрамжийн газартай байсан бөгөөд үүнээс ч олон байж магадгүй юм. Үүнд:

• Арлингтон дахь Вудбрук гудамж 1210
• Арлингтон дахь 7411 Lake Whitney Drive
• Арлингтон дахь 7419 Fossil Creek Drive
• 2059 Мэнсфилд дэх яст мэлхий булангийн драйв
• 1852 Гранд Прэйри дэх Далд Брук Драйв

Арлингтон хотын цагдаагийн газар болон Таррант дүүргийн прокурорын 817-575-3230 дугаарын тусгай утсаар дамжуулан аливаа мэдээллийг мэдээлж болно.