Оршин суух зөвшөөрөл худалдаж авах боломжтой "top" 20 улс

Эдгээр 20 улсууд баян чинээлэг цагаачдад, Тайланд 19,000 ам.доллар буюу хамгийн хямдаар, харин Австрали хөрөнгө оруулалтын ангиллаас хамааран 3,4 сая ам.доллар хүртэлх хамгийн өндөр үнээр "алтан виз" олгодог болон мөн өөр бусад улсуудад хичнээн хэмжээний хөрөнгө оруулалт хийснээр оршин суух зөвшөөрөлтэй болдог талаар Business Insider дэлгэрэнгүй нийтэлсэн байна.

1. Австрали: хамгийн бага хөрөнгө оруулалт 2.5 сая австрали доллар (1.7 сая ам.доллар)

Австралийн Бизнесийн Инноваци, Хөрөнгө Оруулалтын Хөтөлбөрийн хүрээнд оршин суух зөвшөөрөл авах дөрвөн төрлийн арга байдаг бөгөөд энэ нь, уг нөхцөлийг хүлээн авагчдад Австралид амьдарч, бизнес эрхлэх боломжийг олгодог. Лондонд төвтэй хөрөнгө оруулалтын шилжилт хөдөлгөөний зөвлөх Henley & Partners-ийн мэдээлснээр визтэй хүмүүс таван жилийн дараа иргэншил авах боломжтой.

Австралийн засгийн газрын Дотоод хэргийн яамны мэдээлсэн хөтөлбөрийн дөрвөн чиглэл:

-Бизнесийн инноваци. Өргөдөл гаргагч нь дор хаяж 1.25 сая австрали доллар (858,825 доллар) цэвэр хөрөнгөтэй байх ба Австралид шинээр бизнес эхлүүлэх эсвэл одоо байгаа бизнесээ тогтмол эрхэлдэг байх ёстой.

-Хөрөнгө оруулагч. Өргөдөл гаргагч нь Австралийн зохих хөрөнгө оруулалтад дор хаяж 2.5 сая австрали доллар хөрөнгө оруулалт хийх ёстой.

-Их хэмжээний хөрөнгө оруулагч: Өргөдөл гаргагч нь Австралийн хөрөнгө оруулалтад дор хаяж 5 сая австрали доллар (3.4 сая доллар) хөрөнгө оруулалт хийсэн байх ёстой.

-Бизнес эрхлэгч: Өргөдөл гаргагч нь эхлээд Австралийн муж эсвэл нутаг дэвсгэрийн засгийн газрын агентлагаас нэр дэвшсэн байх ёстой бөгөөд тэдний гарааны бизнесийг дэмжих гуравдагч этгээдтэй санхүүжилтийн гэрээгээ нотлосон байх ёстой.

2. Австри: Сарын хамгийн багадаа 1,030.49 еврогийн (1,034 ам.доллар) орлого, байнгын үл хөдлөх хөрөнгийн баталгаа гаргана.

-"Оршин суух зөвшөөрөл". Австри улсад түр оршин суух зөвшөөрөл авахын тулд та сарын орлогоо дор хаяж 1030.49 евро (харьцаж буй хүмүүсийн тооноос хамаарч) гэдгийг нотлох ёстой.

-Австри улсад даатгалд хамрагдсан байнгын орон сууц (худалдан авсан эсвэл түрээсэлсэн) болон хувийн эрүүл мэндийн даатгалд хамрагдсан байх ёстой.

3. Канад: Зөвшөөрөгдсөн гарааны бизнес нь хамгийн багадаа 13,310 ам.долларын хувийн сантай байх

Канадын гарааны визний хөтөлбөрт хамрагдахын тулд өргөдөл гаргагч нь эрх бүхий бизнестэй байх, тусгайлсан байгууллагаас дэмжлэг авах бичиг баримттай байх, хэлний шаардлагыг хангасан байх, мөн төлбөр тооцоо хийх хангалттай хөрөнгөтэй байх ёстой.

-Хувийн хөрөнгийн доод хэмжээ 13,310 ам.доллараас эхэлж, өргөдөл гаргасан гэр бүлийн гишүүдийн тооноос хамаарч нэмэгддэг.

4. Кипр: хамгийн бага хөрөнгө оруулалт 300,000 евро (301,309 ам.доллар)

Тус улсын Иргэний бүртгэл, шилжилт хөдөлгөөний газрын мэдээлснээр, Европын бус улс орнуудаас өргөдөл гаргагчид батлагдсан дөрвөн ангиллын аль нэгэнд дор хаяж 300,000 еврогийн хөрөнгө оруулалт хийснээр Киприйн цагаачлалын хөрөнгө оруулагчийн виз авах боломжтой.

-байшин, орон сууцанд хөрөнгө оруулалт хийх;

-оффис, дэлгүүр, зочид буудал гэх мэт орон сууцны бус үл хөдлөх хөрөнгийн хөрөнгө оруулалт;

-Бүгд Найрамдах Кипр улсад бүртгэлтэй компанитай байх;

-Киприйн хөрөнгө оруулалтын сангуудын хувьцааг худалдан авах.

5. Грек: 250,000 евро (251,030 ам.доллар)-гийн үл хөдлөх хөрөнгө худалдаж авах шаардлагатай

Грекийн Алтан виз хөтөлбөр нь оршин суух зөвшөөрөл авахад дор хаяж 250,000 еврогийн үнэ бүхий үл хөдлөх хөрөнгө худалдан авах, Грекийн компанид 400,000 еврогийн (401,000 доллар)-аас доошгүй хувьцаа худалдаж авах, 400,000 еврогийн үнэтэй засгийн газрын бонд авах зэрэг хөрөнгө оруулалтын хэд хэдэн сонголтыг санал болгодог.

6. Хонг Конг: онооны систем

Хонг Конгийн чадварлаг цагаачдыг элсүүлэх хөтөлбөрт хамрагдахын тулд өргөдөл гаргагчид тус хөтөлбөрийн нас, боловсрол, зан чанар, хэл, санхүүгийн шаардлагыг хангасан байх ёстой. Хөрөнгө оруулалт шаардлагагүй.

Санхүүгийн хувьд өргөдөл гаргагчид өөрсдийгөө тэжээхэд хангалттай мөнгөтэй гэдгээ нотлох ёстой бөгөөд Хонг Конгод "төрийн тусламжид найдах” –гүй гэсэн баталгаатай байх.

Хонг Конгийн Цагаачлалын албаны мэдээлснээр болзолыг амжилттай биелүүлсэн горилогчидод "ерөнхий шалгалт" болон "амжилтанд суурилсан онооны шалгалт"-аар оноо өгдөг.

7. Итали: хамгийн бага хөрөнгө оруулалт 250,000 евро (251,030 ам.доллар)

Италийн "Хөрөнгө оруулагчийн виз" нь Италийн Эдийн засгийн хөгжлийн яамны мэдээлснээр "Италийн эдийн засаг, нийгмийн стратегийн салбарт томоохон хөрөнгө оруулалт хийдэг" Европын холбооны гишүүн бус иргэдэд зориулсан хоёр жилийн хугацаатай виз юм.

Хөтөлбөрт хөрөнгө оруулах дөрвөн сонголт байна:

-2 сая евро (2,007,270 ам.доллар) Италийн засгийн газрын бонд;

-Италийн хязгаарлагдмал компанид 500,000 евро (501,000 ам.доллар);

-Италийн инновацийн старт апад 250,000 евро (251,000 ам.доллар);

-1 сая евро (1,003,864 ам.доллар) буяны үйлсэд зориулах;

8. Жерси: Дор хаяж 1.75 сая фунт стерлингийн (2 сая ам.доллараас дээш) үнэтэй үл хөдлөх хөрөнгө худалдаж авах эсвэл түрээслэх

Жерсид өндөр үнэ цэнэтэй оршин суух эрх авахын тулд Жерсигийн засгийн газрын вэбсайтаас үзэхэд та жилд дор хаяж 725,000 фунт стерлингийн (856,000 ам.доллар) орлоготой байх ёстой бөгөөд "Таны Жерсид оршин суух газар нь ямар нэгэн байдлаар аралд ашиг тусаа өгнө" гэдгийг харуулах ёстой. Хэрэв зөвшөөрвөл хамгийн багадаа 1.75 сая фунт стерлинг (2 сая доллараас дээш) үл хөдлөх хөрөнгө худалдаж авах эсвэл түрээслэх ёстой.

9. Латви: хамгийн бага хөрөнгө оруулалт 60,000 евро

Henley & Partners-ийн мэдээлснээр Латвийн алтан визний хөтөлбөрийн дагуу үл хөдлөх хөрөнгөд хөрөнгө оруулах боломжийг 2022 оны 1-р сард зогсоож, оршин суух зөвшөөрөл хүссэн гадаадын иргэдэд хөрөнгө оруулалтын гурван төрлийн зам санал болгосон байна.

-Латвийн компанийн үндсэн хувьцаанд 50,000 евро (51,000 ам.доллар) хөрөнгө оруулалт, дээр нь улсын төсөвт 10,000 евро (11,000 ам.доллар) оруулах;

-250,000 евро (251,000 ам.доллар) дээр нэмээд улсын төсөвт 38,000 евро (39,000 доллар) оруулах "зорилтот хүүгүй бонд" худалдаж авах;

-280,000 еврогийн (281,000 ам.доллар) хөрөнгө оруулалтыг "Латвийн банкны хоёр дахь капиталд таван жилийн хугацаатай" оруулах, дээр нь улсын төсөвт 25,000 евро (26,000 ам.доллар) оруулах.

10. Люксембург: хамгийн бага хөрөнгө оруулалт 500,000 евро (501,000 ам.доллар)

Люксембург нь засгийн газрын вэбсайтад дурдсан хөрөнгө оруулалтын дөрвөн шаардлагын аль нэгийг хангасан хөрөнгө оруулагчдад оршин суух зөвшөөрөл санал болгодог.

-Люксембургт бүртгэлтэй одоо байгаа компанид дор хаяж 500,000 еврогийн хөрөнгө оруулалт хийх;

-Люксембургт бүртгэлтэй шинэ бизнест дор хаяж 500,000 еврогийн хөрөнгө оруулалт хийж, 3 жилийн дотор таваас доошгүй ажлын байр бий болгох;

-Люксембургт бүртгэлтэй "одоо байгаа эсвэл хараахан байгуулагдаагүй удирдлага, хөрөнгө оруулалтын бүтцэд" дор хаяж 3 сая еврогийн (3,010,875 ам.доллар) хөрөнгө оруулалт хийх;

-Люксембургт бүртгэлтэй санхүүгийн байгууллагад дор хаяж 20 сая еврогийн (20,072,500 ам.доллар) хөрөнгө оруулалт хийж, хадгаламжаа таваас доошгүй жил хадгална.

11. Малайз: хамгийн бага хөрөнгө оруулалт 1 сая Малайзын рингит (224,000 ам.доллар)

-Малайз дахь "Миний хоёр дахь гэр" хөтөлбөрийн хүрээнд гадаадын иргэд тус улсад хөрөнгө оруулсны хариуд 10 жилийн хугацаатай оршин суух виз авах боломжтой.

-Хөтөлбөрийг COVID-19 тахлын үеэр хаасны дараа дахин нээхэд Аялал жуулчлалын яам хөрөнгө оруулалтын шаардлагыг RM1 сая болгон тогтмол хадгаламж болгон нэмэгдүүлсэн.

-Өргөдөл гаргагч нь ойролцоогоор 350,000 ам.долларын "банкны хөрөнгө" болон сарын бараг 10,000 ам.долларын орлоготой байх ёстой.

12. Мальта: 500,000 еврогийн хадгаламж, дээр нь 175,000 евро хадгаламж шаардлагатай. Мальтын "байнгын оршин суух" виз нь Сицили болон Хойд Африкийн эргийн хооронд байрлах арал дээр байнга оршин суух боломжийг олгодог .Мальтагийн Алтан визний хөтөлбөрийг удирдан чиглүүлэх, сурталчлах үүрэгтэй Мальта Оршин суух агентлагийн жагсаасан хөтөлбөрийн санхүүгийн таван шаардлагыг энд оруулав.

-Лицензтэй агентаар дамжуулан өргөдөл гаргаж, 40,000 еврогийн буцаан олгогдохгүй удирдлагын хураамж төлөх;

-Өмнөд Мальта/Гозо-д дор хаяж 10,000 еврогийн эсвэл бусад Мальтад 12,000 еврогийн байр түрээслэх эсвэл Өмнөд Мальта/Гозо-д 350,000 евро (351,000 ам.доллар)-аас доошгүй үнэтэй үл хөдлөх хөрөнгө худалдаж авах, Мальта улсын бусад хэсэгт мөн болно

-үл хөдлөх хөрөнгө худалдаж авахдаа 28,000 евро улсын хураамж, түрээслэхдээ 58,000 евро төлөх;

-холбогдох эд хөрөнгийг дор хаяж 5 жил эзэмшиж, дараа нь байнгын оршин суух хаягтай байх шаардлагатай;

-Сайн дурын байгууллагуудын комиссарт бүртгэлтэй орон нутгийн буяны, соёл, шинжлэх ухаан, урлаг, спорт, амьтныг хамгаалах чиглэлээр үйл ажиллагаа явуулдаг төрийн бус байгууллагад 2000 еврогийн хандив өргөх.

13. Маврики: Үл хөдлөх хөрөнгийн хамгийн бага хөрөнгө оруулалт 375,000 ам.доллар

Henley & Partners-ийн мэдээлснээр Маврикийн хөрөнгө оруулалтаар амьдрах хөтөлбөр нь 10 жилийн визний оронд хөрөнгө оруулалтын 10 өөр сонголтыг санал болгодог.

Эдгээр арга замууд нь, тансаг зэрэглэлийн орон сууц, ухаалаг хотын төслүүд зэрэг үл хөдлөх хөрөнгийн дөрвөн сонголтын аль нэгэнд 375,000 ам.долларын хөрөнгө оруулалт хийх. Эсвэл өргөдөл гаргагчид гарааны бизнес, технологи болон бусад зөвшөөрөгдсөн үйл ажиллагаанд 35,000-аас 54,000 ам.долларын хөрөнгө оруулалт хийж болно.

14. Панам: Хамгийн бага хөрөнгө оруулалт 40,000 ам.доллар

Henley & Partners-ийн мэдээлснээр Панам улс хөрөнгө оруулалтын хоёр үндсэн төрлийн визийг санал болгодог бөгөөд үүнд 40,000-аас 750,000 ам.доллар хүртэлх хөрөнгө оруулалтын шаардлага тавигддаг.

-Хамгийн бага зардалтай зам бол Панамын ойжуулалтын визний хөтөлбөр бөгөөд гадаадын хөрөнгө оруулагчид Байгаль орчины яамны баталсан ойг нөхөн сэргээх санаачилгад 40,000 ам.доллар хандивлах боломжтой.

- Мэргэшсэн хөрөнгө оруулагчийн хөтөлбөрт хамрагдах. Өргөдөл гаргагчид үл хөдлөх хөрөнгийн 300,000 ам.долларын хөрөнгө оруулалт, 500,000 долларын хөрөнгийн биржийн хөрөнгө оруулалт эсвэл 750,000 ам.долларын банкны хадгаламжийн оронд байнгын оршин суух статус авах боломжтой.

15. Португал: Хамгийн багадаа 250,000 евро хөрөнгө оруулалт шаарддаг.

Португалийн "Алтан виз" хөтөлбөр нь чинээлэг Америкчуудын дунд дэлгэрсэн хөрөнгө оруулагчдын хамгийн алдартай хөтөлбөрүүдийн нэг юм.

Португалийн Холбооны цагаачлалын агентлагийн мэдээлснээр хөрөнгө оруулалтын найман төрлийн сонголт байдаг.

-Португалийн банкны данс руу 1 сая евро шилжүүлэх

-10 ажлын байр бий болгох

-доод тал нь 500,000 еврогийн үл хөдлөх хөрөнгө худалдаж авах

-хот суурин газарт байрлах үл хөдлөх хөрөнгийг дор хаяж 350,000 еврогоор худалдаж авах

-батлагдсан судалгааны үйл ажиллагаанд 350,000 еврогийн хандивлах

-250,000 евро урлаг, соёлын өвийн батлагдсан санаачлагуудад хандивлах

-хөрөнгө оруулалтын сан эсвэл венч капиталын сангийн хувьцааг худалдан авахад 350,000 евротой тэнцэх хэмжээний хөрөнгийг шилжүүлэх;

-Португальд төвтэй бизнест 350,000 еврогийн хөрөнгө оруулалт хийж, таван байнгын ажлын байр бий болгосон байх.

16. Сингапур: хамгийн бага хөрөнгө оруулалт 2.5 сая SGD (1.8 сая доллар)

Сингапурын "Дэлхийн хөрөнгө оруулагчийн хөтөлбөр" нь "Сингапураас бизнес, хөрөнгө оруулалтын өсөлтөө удирдах" хүсэлтэй хөрөнгө оруулагчдад байнгын оршин суух статусыг санал болгодог. Сингапурын Эдийн засгийн хөгжлийн зөвлөлийн мэдээлснээр хөтөлбөрт хөрөнгө оруулах гурван хувилбар байна.

-шинэ бизнес эсвэл одоо байгаа бизнесээ өргөжүүлэхэд 2.5 сая SGD (хөрөнгө оруулалт хийх;

-Сингапурын компаниудад хөрөнгө оруулалт хийдэг, батлагдсан дэлхийн хөрөнгө оруулагчдын хөтөлбөрийн санд 2.5 сая SGD хөрөнгө оруулах;

-Сингапур дахь шинэ эсвэл одоо байгаа гэр бүлийн оффист 2.5 сая SGD-ийн хөрөнгө оруулалт хийж дор хаяж 200 сая SGD удирдлагын дансанд байлгах.

17. Испани: хамгийн бага хөрөнгө оруулалт 500,000 евро

Испанийн Хөрөнгө оруулагчийн визний хөтөлбөр нь Гадаад харилцааны яамнаас дараах дөрвөн сонголтын аль нэгээр нь "их хэмжээний хөрөнгө оруулалт хийж буй" гадаадын иргэдэд оршин суух виз олгодог.

-Испанийн улсын өрийн үнэт цаасанд 2 сая еврогийн хөрөнгө оруулалт хийсэн;

-Испанийн компаниудын хувьцаа, Испанид бүртгэлтэй хөрөнгө оруулалтын болон венчур сан, Испанийн санхүүгийн байгууллагуудын банкны хадгаламжид 1 сая еврогийн хөрөнгө оруулалт хийх;

-доод тал нь 500,000 евро үл хөдлөх хөрөнгө худалдаж авах;

-Испанид ажлын байр бий болгох, орон нутгийн нийгэм-эдийн засагт үзүүлэх нөлөөллийн хувьд "нийтлэг ашиг сонирхлын" бизнесийн төслийг бий болгох.

18. Тайланд: Хамгийн бага хөрөнгө оруулалтын хураамж 19,000 доллар

Тайландын элит визний гишүүнчлэлийн хөтөлбөр нь шаардлага хангасан гадаадын хөрөнгө оруулагчдад 20 жилийн хугацаатай "Нэвтрэх давуу эрх бүхий виз" олгодог.

Хөтөлбөрийг удирддаг Тайландын холбооны аялал жуулчлалын агентлагийн харьяа Тайландын давуу эрхийн картын компаниас мэдээлснээр "Элит уян хатан" хөтөлбөрөөс эхлээд, "Элитийн туйлын давуу эрх" хүртэлх найман өөр хөтөлбөрийн хувилбарууд байдаг. Шаардлагатай хамгийн бага төлбөр нь ойролцоогоор 19,000 ам.долларын бүртгэлийн хураамж юм.

19. Арабын Нэгдсэн Эмират: хамгийн бага хөрөнгө оруулалт 2 сая AED ($540,000)

Дубайн Алтан Виз Хөтөлбөр нь Арабын Нэгдсэн Эмират улсын засгийн газрын албан ёсны вэбсайтад жагсаасан таван дүрмийн аль нэгийг хангасан гадаадын хөрөнгө оруулагч, бизнес эрхлэгчдэд оршин суух эрхийг олгодог.

-дор хаяж 2 сая AED-ын үнэтэй үл хөдлөх хөрөнгө худалдаж авах;

-орон нутгийн тусгайлсан банкнаас зээлээр үл хөдлөх хөрөнгө худалдаж авах эсвэл орон нутгийн батлагдсан үл хөдлөх хөрөнгийн компаниудаас дор хаяж 2 сая AED-ийн үнэ бүхий нэг буюу хэд хэдэн "төлөвлөгөөгүй үл хөдлөх хөрөнгө" худалдаж авах;

-АНЭУ-д бүртгэлтэй, жилийн орлого нь дор хаяж 1 сая AED (ойролцоогоор 270,000 доллар) стартапын эзэн эсвэл түнш болох;

-Албан ёсны бизнес инкубатор эсвэл Эдийн засгийн яам эсвэл орон нутгийн бусад эрх бүхий байгууллагаас гарааны зөвшөөрөл авах санаагаа дэмжүүлсэн байх

-Доод тал нь 7 сая AED (ойролцоогоор 1.9 сая доллар) үнээр зарагдсан бизнес эрхлэгч төслийн үүсгэн байгуулагч болох.

20. АНУ: Хамгийн багадаа 800,000 долларын хөрөнгө оруулалт, мөн АНУ-ын ажилчдад 10 бүтэн цагийн ажлын байр бий болгох

АНУ мөн EB-5 Цагаачлалын Хөрөнгө Оруулагч Хөтөлбөр хэмээх алтан визийг санал болгож байна.

Эрх бүхий гадаадын хөрөнгө оруулагчид хөрөнгө оруулагчийн дараах хоёр удирдамжийг хангасны дараа хөтөлбөрөөр дамжуулан ногоон карт авах хүсэлт гаргаж болно.

-"зорилтот бус хөдөлмөр эрхлэлтийн төсөл"-д 1,050,000 ам.доллар эсвэл хөдөө орон нутаг эсвэл ажилгүйдэл ихтэй бүс нутагт 800,000 ам.долларын хөрөнгө оруулалт хийх;

-АНУ-ын чадварлаг ажилчдад зориулсан байнгын 10 ажлын байр бий болгох.

Эх сурвалж: forumdaily.com