НҮБ-аас 11-р сарын 15-нд дэлхийн хүн ам 8 тэрбумд хүрнэ гэж мэдэгджээ.
Wed Jul 13 2022
Нэгдсэн Үндэстний Байгууллага (AP) - Даваа гарагт НҮБ-аас 11-р сарын 15-нд дэлхийн хүн ам 8 тэрбумд хүрч, Энэтхэг ирэх онд Хятадыг давж дэлхийн хамгийн олон хүн амтай улс болно гэж тооцоолсноо мэдэгджээ.
НҮБ-аас Дэлхийн хүн амын өдрийг тохиолдуулан нийтэлсэн тайландаа, дэлхийн хүн амын өсөлт 1950 оноос хойш анх удаа 2020 онд 1%-иас доош буурсан гэж мөн онцолжээ. НҮБ-ын хамгийн сүүлийн үеийн таамаглалаар дэлхийн хүн ам 2030 онд 8.5 тэрбум, 2050 онд 9.7 тэрбум, 2080-аад онд 10.4 тэрбум орчимд хүрч өсөх магадлалтай байна. 2100 он хүртэл энэ түвшинд байх төлөвтэй байна гэжээ. 2050 он хүртэл хүн амын өсөлтийн талаас илүү хувь нь Конго, Египет, Этиоп, Энэтхэг, Нигери, Пакистан, Филиппин, Танзани зэрэг найман улсад төвлөрнө гэж тайланд дурджээ.
“Дэлхийн хүн амын хэтийн төлөв 2022” тайланд, одоогийн байдлаар дэлхийн хүн ам 7.942 тэрбум байгаа бөгөөд 11-р сарын дундуур 8 тэрбумд хүрнэ гэж таамаглаж байна.
НҮБ-ын Хүн амын хэлтсийн дарга Жон Вилмот, тайланг гаргах хэвлэлийн бага хурал дээр хэлэхдээ, НҮБ-ын таамгаар хүн ам 8 тэрбумыг давах өдөр бол 11-р сарын 15 гэжээ.
Гэхдээ тэр "Бид энэ бол бодит, биелэх огноо гэж эцсийн байдлаар хэлэхгүй ... мөн тодорхойгүй байдал дор хаяж нэг жил нэмэх эсвэл хасах байх гэж бид бодож байна" гэж тэр тэмдэглэв.
Эх сурвалж: apnews.com
