Калифорниа мужид хууль бус цагаачдыг төрийн албанд ажилд авна: Өмнө нь ийм ажилд ороход АНУ-ын иргэн байх шаардлага тавьдаг байв

Лос Анжелес тойргийн Хяналтын зөвлөлөөс, харьяалалгүй хүмүүс, мөн тус улсад хууль бусаар амьдарч байгаа хүмүүсийг Калифорниа мужид төрийн албан тушаалд томилох асуудлыг хэлэлцүүлэх санал хураалт явуулсан бөгөөд зөвлөл санал нэгтэй дэмжлээ гэж FoxBusiness мэдээлэв. Өмнө нь ийм ажилд орохын тулд АНУ-ын иргэн байх шаардлагатай байсан.

Энэ дүрэм нь муж эсвэл холбооны хуулийн дагуу АНУ-ын иргэн байх шаардлагатай албан тушаалуудад хамаарахгүй бөгөөд Лос Анжелес мужийн Шерифийн хэлтэс болон бусад хууль сахиулах албан тушаалд АНУ-ын иргэний харьяалтай байх шаардлагатай хэвээрээ байна.

Энэхүү хуулийн санаачлагчидын үзэж байгаагаар, энэ бодлого нь "ажлын байранд горилогчдыг үндэсний гарал үүсэл, иргэншил болон албан тушаалын үүргээ биелүүлэхтэй холбоогүй бусад хүчин зүйлээс үл хамаарсан шударгаар авч үзэх боломжийг олгоно" гэж үзэж байна.

Өнгөрсөн жил дүүргийн Хяналтын зөвлөлөөс тус мужийн албан тушаалтнуудын иргэний харьяаллтай байх шаардлагыг цуцлах нь хууль ёсны эсэхийг шалгахыг DA-ийн алба болон Хүний нөөцийн хэлтэст хүссэн. Тэд дүн шинжилгээ хийж, энэ шаардлагыг муж улсын хууль, холбооны зохицуулалтаар бус харин орон нутгийн хуулиар тогтоосон тохиолдолд зохицуулах боломжтой гэсэн дүгнэлтэд хүрсэн байна.

Хуулийн төслийг санаачлагч Хилда Солис, "Лос Анжелес тойрог нь дэлхийн өнцөг булан бүрээс ирсэн цагаачдын нийгэмлэг юм. Манай дүүрэг, захиргааны төрийн албан хаагчид өөрсдийн төлөөлж буй олон нийт, иргэдийнхээ илэрхийлэл болдог ч, цаашид улам сайжруулах боломжууд бий. Манай хууль тогтоомжийн төсөл нь тус муж бүс нутагтаа хамгийн том ажил олгогчдын нэг болохынхоо хувьд хүртээмжтэй, олон талт байдлыг эрхэмлэж, иргэншил нь хөдөлмөр эрхлэхэд саад учруулахгүй байхыг эрмэлздэг гэдгийг тодорхой болгох зорилготой юм." гэж мэдэгджээ.

2018 оны байдлаар Лос Анжелес мужид ойролцоогоор 880,000 хууль бус цагаач амьдарч байсан. Тэдний олонхи нь хотын захиргааны албан тушаалд ажиллах чадвартай боловч иргэний харьяаллын шаардлагаас шалтгаалан ажиллах эрхгүй байдаг. Соёл, арьс өнгө, үндэс угсаа, шашны онцлогоос шалтгаалж хөдөлмөр эрхлэхэд тулгарч буй саад бэрхшээл нь бидний үндсэн үнэт зүйлд харшилж байна. Иргэншил бол онцгой зүйл биш, зүгээр л дээрх хүн ам зүйн шинж чанаруудыг нэгтгэдэг. Хилда Солисын хуулийн төсөл нь ажилд авахдаа шударга байдлыг дэмжиж, Иргэний харьяалал, цагаачлалын статусаас үл хамаарсан, мэргэшсэн ажил горилогчдыг олон нийтийн, Төрийн хамгаалагчийн албанд хандах боломж олгоно. Цагаачдын туршлага нь, үйлчлүүлэгчдийнхээ хууль эрх зүйн болон хүний ​​эрхийг хамгаалах алсын хараа, эрхэм зорилго, үнэт зүйлсийг сайжруулж, ажилчдаа бидний үйлчилж буй хүн амын олон талт байдлыг бүрэн төлөөлөх зорилгоо хэрэгжүүлэх боломжийг бидэнд олгоно" гэж Лос Анжелес дүүргийн олон нийтийн эрхийг хамгаалагч Рикардо Гарсиа хэлжээ.

Эх сурвалж: forumdaily.com