Google маш ашигтай функцийг нэмснээр, Gmail-ээр дамжуулан бүх илгээмжүүдээ хаана явааг хянах боломжтой боллоо

Google-н энэ функц, таны илгээмжийг баярын өдөр товлосон цагт нь хүргэхэд нөлөөлж   чадахгүй хэдий ч, ядаж тэднийг хаана яваа, хэзээ ирэхийг хянах боломжтой болгож байна. Ирэх хэдэн долоо хоногт багтаан, таны илгээмжийг Gmail-аас шууд хянах боломжтой болгоно гэж тус компани мэдэгдэв.

Gmail нь 18 жилийн турш, олон тэрбум хүний ​​үндсэн имэйл үйлчилгээ болоод байгаа юм. Энэ нь, түүний үнэ төлбөргүй үйлчилгээ, мөн хэд хэдэн зүйлийг үнэхээр сайн хийдэгтэй нь холбоотой юм. Жишээлбэл, имэйл хайж олох үйлчилгээ нь энэ Gmail-н хамгийн шилдэг үйлчилгээнүүдийн нэг юм.

Гэсэн хэдий ч, хэрэв та хяналтын дугаартай имэйлийг хайж олох гэж байгаа бол, жишээ нь, та илгээмж хүлээж байгаа тохиолдолд энэ нь асуудал үүсгэж болно. Хэрэв таны “ирсэн имэйл” танд олон зуун имэйлээр хайлт хийхгүйгээр илгээмжийг хянах боломжийг олгодог бол илүү хялбар биш гэж үү?

Заримдаа Google шинэ боломжуудыг нэмдэг бөгөөд хэн үүнийг сайн санаа гэж бодсон нь тодорхойгүй байдаг. Жишээлбэл, энэ оны эхээр Google нь Chat болон Meet үйлчилгээгээ Gmail-д нэгтгэсэн. Ихэнх Gmail хэрэглэгчид Google Chat эсвэл Google Meet-д санаа тавьдаг эсвэл ялгааг нь мэддэг эсэх нь эргэлзээтэй. Гэсэн хэдий ч энэ нь таны “ирсэн имэйл”-ийн хамгийн доод хэсэгт байрладаг. Мөн заримдаа Google үнэхээр хэрэгтэй Gmail функцуудыг нэмдэгийн нэг жишээ бол энэхүү дурдагдаж буй үйлчилгээ юм.

Хэрэв Gmail имэйлд хяналтын дугаар байгааг илрүүлбэл таны ирсэн имэйл хайрцагт шошго гарч ирэх бөгөөд танд хүргэх хугацааг мэдэгдэх болно. Үүнээс гадна Gmail танд илгээмжийг хэзээ илгээхийг мэдэгдэх бөгөөд хэрэв энэ нь хойшилсон бол, Google имэйлийг илрүүлж танд мэдэгдэх болно. Энэ нь, илгээмж ирэх ёстой үед гэртээ байх боломжгүй үед, хүргэлт ямар нэг шалтгаанаар хойшлогдсоныг мэдэж бухимдахаас сэргийлнэ.

Google-ийн хэлснээр энэ функц нь "АНУ-ын ихэнх томоохон тээвэрлэлтийн операторуудтай" ажилладаг. Энэ нь FedEx, UPS болон АНУ-ын шуудангийн үйлчилгээ гэсэн үг гэж бид таамаглаж болно. Харин Google, Amazon Prime Delivery-тэй хамтран ажиллах эсэхээ хэлээгүй байна.

Гэхдээ энэ функц бол шинэ санаа биш юм. Үүнийг хийдэг хэд хэдэн имэйлийн програмууд байдаг, ялангуяа Edison Email. Гэвч  энэ нь, зөвхөн Gmail биш ямар ч имэйл хаягтай ажилладаг тул шуудангийн апп-д илүү хэрэгтэй функц юм. Түүнчлэн, хаана худалдан авалт хийснээ мэдэхийн тулд Google-ээс хяналтын дугаар хайхыг хүсэхгүй байгаа хүмүүс ч мөн байдаг. Энэ нь ч шударга, гэхдээ энэ функц нь сонголттой бөгөөд та Gmail-ээс өөрийн цахим шуудангийн дугаарыг хайх эсэхээ шийдэх боломжтой гэсэн үг. Ямартай ч, баярын өдрүүд ойртох тусам таны имэйл танд, илгээмж ирэх гэж байгааг, мөн хэзээ хүргэгдэж ирэхийг мэдэгдэх болно гэсэн энэхүү санаа нь, хэрэглэгчдэд хүчин чармайлт гаргахаас хамаагүй илүү үнэ цэнийг авчирч, шинэ боломжуудын хамгийн сайн төрөл болохыг харуулахаас гадна өчүүхэн мэт санагдаж болох ч, хүмүүсийн цагийг хэмнэж, сэтгэлийг амар байлгах асар их ашиг тустай юм.