Дөрөвдүгээр сарын 29-нд Google, хүмүүст шинэ хэлээр чөлөөтэй хувийн байдлаар ярьж сурахад нь туслах зорилготой хиймэл оюун ухааны гурван шинэ хэрэгслийг гаргасан гэж TechCrunch мэдээлэв.

Туршилтууд эхний шатандаа явж байгаа ч, тус компани Google-ийн олон модуль бүхий том хэлний загвар болох , Duolingo-той, Gemini-гийн тусламжтайгаар өрсөлдөхийг эрмэлзэж байж болох юм. Эхний хэрэгсэл нь танд яг одоо хэрэгтэй байгаа тодорхой хэллэгүүдийг хурдан сурахад туслах болно, хоёр дахь нь таныг албан хэллэгээр бага ярьж, нутгийнхны маягаар ярихыг заах болно. Гурав дахь хэрэгсэл нь танд, шинэ үг сурахын тулд камер ашиглах боломжийг олгоно.

Шинэ хэл сурахад хамгийн их урам хугардаг хэсэг нь танд хараахан сураагүй тодорхой хэллэг хэрэгтэй болдог гэдгийг Google тэмдэглэжээ.

Шинэ Tiny Lesson хэрэглүүрийн тусламжтайгаар, та нөхцөл байдлыг дүрсэлж, нөхцөл байдалд тохирсон үгсийн сан, дүрмийн зөвлөмжийг авахын тулд "алдагдсан паспортыг олох" гэх мэт аргыг ашиглаж болно. Нэмж дурдахад, "Би үүнийг хаана алдсанаа мэдэхгүй байна" эсвэл "Би цагдаад мэдэгдэхийг хүсч байна" гэх мэт асуултуудад хариулт авах боломжтой.

Дараагийн Slang Hang, хүмүүст шинэ хэлээр ярихад нь туслахыг хүсч байна. Google-ийн хэлснээр та шинэ хэл сурахдаа ихэвчлэн албан ёсоор ярьж сурдаг тул, орон нутгийн хэлийг ашиглан хүмүүст илүү чөлөөтэй ярьж сургах аргыг туршиж байна. Энэ функцийн тусламжтайгаар та, төрөлх хэлээрээ ярьдаг хүмүүстэй бодитой яриа үүсгэх боломжтой. Жишээлбэл, гудамжны худалдагч үйлчлүүлэгчтэй харилцаж буй яриа, эсвэл метронд удаан уулзаагүй хоёр найз уулзаж буй нөхцөл байдлыг харж, суралцах боломжтой. Та мэдэхгүй нэр томьёонуудаа, ямар утгатай, хэрхэн хэрэглэгддэгийг мэдэж болно.

Гурав дахь хэрэгсэл болох Word Cam нь, танд ойрхон байгаа зүйлийн зургийг авах боломжийг олгодог бөгөөд Gemini объектуудыг илрүүлж, таны сурч буй хэлээр нэрлэх болно. Функц нь объектыг тодорхойлоход ашиглаж болох нэмэлт үгсийг өгдөг.

Эдгээр туршилтуудын зорилго нь, бие даан суралцах чадварыг илүү динамик, хувийн болгохын тулд хиймэл оюун ухааныг хэрхэн ашиглаж болохыг олох явдал юм.

Шинэ туршилтууд нь дараах хэлүүдийг дэмждэг: Араб, Хятад (Хятад, Хонг Конг, Тайвань), Англи (Австрали, Их Британи, АНУ), Франц (Канад, Франц), Герман, Грек, Еврей, Хинди, Итали, Япон, Солонгос, Португал (Бразил, Португал), Орос, Испани (Латин Америк, Испани), Турк хэл. Хэрэгслүүд нь Google Labs-ээр дамжуулан хандах боломжтой.