Цэргийн алба хааж АНУ-ын иргэншил авах: Энэ боломжийн талаар мэдэх хэрэгтэй зүйлс.

Жил бүр олон мянган гадаадын иргэн цэргийн албан хаагчид болон тэдний гэр бүлийнхэн АНУ-ын иргэн болдог. Энэ талаар, хэрхэн АНУ-ын иргэн болох, хэрхэн цэргийн албаа ашиглаж үйл явцыг хурдасгах, мөнгөө хэмнэх талаар Military One Source нийтэлжээ.

АНУ-ын иргэншил хүссэн гадаадад төрсөн цэргийн албан хаагчдад гурван үндсэн давуу тал бий.
1. Оршин суух хугацааны шаардлагыг бууруулсан
Ерөнхийдөө иргэншил авах өргөдөл гаргагч нь АНУ-ын иргэнтэй гэрлэсэн бол иргэний харъяалалд өргөдөл гаргахаас өмнө АНУ-д хууль ёсоор 3-5 жил дараалан амьдарсан байх ёстой. Харин гадаадын иргэн цэргийн албан хаагчид N-400 маягт, Иргэншил авах өргөдөл гаргахаасаа өмнө зөвхөн нэг жил энэхүү нэр хүндтэй албыг хаасан байх шаардлагатай байдаг.

2. Оршин суугаа статус шаардлагагүй
Өргөдөл гаргагч иргэн N-400 маягтыг бөглөхдөө тухайн муж эсвэл дүүрэгт дор хаяж гурван сар оршин суусан байх ёстой байдаг. Харин гадаадаас ирсэн, өөр улсаас гаралтай цэргийн албан хаагчид энэ шаардлагыг биелүүлэх шаардлагагүй.

3. Өргөдлийн хураамж төлөхгүй
Иргэн болох өргөдөл гаргагчид АНУ-ын иргэн болохын тулд бараг 800 доллар төлдөг. АНУ-д цэргийн алба хаасан цагаачид бүртгэлийн хураамж төлөх шаардлагагүй, харин эхнэр эсвэл нөхөр нь төлөх ёстой.

Цэргийн алба хаах замаар АНУ-ын иргэншил авах 6 алхам
2019 онд, АНУ-ын иргэншил хүссэн гадаадын цэргийн албан хаагчид албан үүргээ гүйцэтгэж байх үедээ өргөдөл гаргах асуудалд Батлан ​​хамгаалах яамны бодлогод өөрчлөлт орсон. Эдгээр өөрчлөлтүүдийг доор дэлгэрэнгүй харуулав.

Гадаадын цэргийн албан хаагчдад иргэншил олгох үйл явц хэрхэн явагддаг талаар:

Ихэнхи цэргийн анги салбаруудад АНУ-ын Иргэншил, Цагаачлалын албаны (USCIS) төлөөлөгч байдаг бөгөөд N-400 маягтыг бөглөх, өргөдөл өгөх процесст хөтлөх тусалдаг. Цэргийн алба хааж буй цэргийн албан хаагчдыг иргэншүүлэх бодлогын талаар хамгийн сүүлийн үеийн мэдээллийг командлагч болон орон нутгийн төлөөлөгчөөсөө асуух хэрэгтэй.

1. Хамгийн түрүүнд иргэншилд тэнцэх эсэхээ шалгана. Иргэншилд нийцүүлэх журмыг ашиглана (Маягт M-480).

2. Та цэрэг дайны ажиллагааны үед 180-аас доошгүй хоног, харин энхийн цагт бүтэн жил цэргийн алба хаасныхаа дараа N-426 маягтын гэрчилгээ авах хүсэлт гаргаж болно.

3. N-400 маягтыг бөглөхдөө, N-426 маягтыг бөглөсөн өмнөх алхамаа баталгаажуулна. N-400 маягт нь шаардлагатай мэдээлэл болон иргэний харьяаллын үйл явцыг дуусгах USCIS-д өгөх шаардлагатай баримт бичгийн жагсаалтыг агуулна. Эдгээр баримт бичгийг үйл явцын эхний шатанд гаргаж өгөх нь таны цагийг хэмнэх тул өргөдлөө өгөхөөс өмнө эдгээр материалыг цуглуулсан байвал зохино.

4. Биометрийн мэдээллээр хангах. Хэрэв та АНУ-д амьдардаг бол хурууны хээ гэх мэт хувийн мэдээллийг баталгаажуулах биометрийн мэдээллийг өгөхийн тулд дэмжлэг үзүүлэх төв(Support Center)-д хандах хэрэгтэй. Мөн бичиг баримт бүрдүүлэхээс өмнө биометрийн мэдээллээ өгөх боломжтой. Хэрэв та гадаадад байгаа бол паспортын гэрэл зураг, FD-258 картыг N-400 маягтын хамт ирүүлэх ёстой.

5. USCIS-ийн ажилтантай тогтоосон газарт хийх хувийн ярилцлага. Офицер таны өргөдлийн материалыг тантай хамт хянаж, англи хэлний ярианы болон бичгийн мэдлэг, мөн АНУ-ын түүхийн мэдлэгийг шалгах болно. Таны ярилцлага хэрхэн явагдахаас хамааран USCIS-ийн ажилтан таны иргэний харьяаллын өргөдлийг батлах, татгалзах, түдгэлзүүлэх эсвэл цаашид авч үзэх санал тавьна. Хэрэв USCIS таны N-400 өргөдлийг хүлээн авахаас татгалзвал та татгалзсан шалтгаан болон шийдвэрийг хэрхэн давж заалдаж болох тухай бичгээр мэдэгдэл хүлээн авах бөгөөд Иргэний харьяаллын дагуу сонсгол явуулах хүсэлт N-336 маягтыг бөглөдөг.

6. Хэрэв USCIS таны N-400 маягтыг зөвшөөрвөл таныг тангараг өргөх ёслолд урьж, албан ёсоор АНУ-ын иргэн болно.

Цэргийн албаны дэмжин туслах үйлчилгээ
Иргэншил авах хүсэлт гаргахтай холбоотой асуудал бүхий цэргийн албан хаагчид болон тэдний гэр бүлд дэмжлэг үзүүлэх зорилготой.
USCIS-ийн Цэргийн тусламжийн утас руу үнэгүй залгах: 877-247-4645, TTY (800) 877-8339 эсвэл албан ёсны вэбсайтад зочилж болно. USCIS-ийн төлөөлөгчид холбооны амралтын өдрүүдээс бусад өдрүүдэд Даваагаас Баасан гарагуудад өглөөний 8:00-16:00 (төв цагийн бүс) хүртэл дуудлагад хариулдаг. АНУ болон гадаадад байгаа АНУ-ын Зэвсэгт хүчний гишүүд болон тэдний гэр бүлийнхэн өөрсдийн үйлчилгээ үзүүлэгч эсвэл аюулгүй сүлжээ (DSN)-ээр дамжуулан энэхүү үнэ төлбөргүй дугаар руу залгаж болно.

Ази-Номхон далайн бүс нутагт байрладаг цэргийн албан хаагчдын эхнэр, нөхөр, хүүхдүүдийн хувьд USCIS-ийн өргөдлийг хүлээж байгаа тохиолдолд хүсэлт гаргахдаа guamoverseasmilnatz@uscis.dhs.gov тусгай цахим шуудангийн хаягаар харьцна.

Эх сурвалж: forumdaily.com