Трампын засаг захиргаа, өмнөд болон баруун эрэгт өрөмдлөгийг сэргээж байгаагаа зарласан хэдий ч, Флоридагийн Бүгд Найрамдахчууд аялал жуулчлалаар тэрбум, тэрбум долларын орлого оруулдаг алдартай наран шарлагын газруудын ойролцоох газруудад олборлолтыг эсэргүүцэж магадгүй байна гэж The Guardian мэдээлэв.

11-р сарын 20-нд Трампын засаг захиргаа, Калифорни, Флорида мужийн эрэг орчмын усанд газрын тос, байгалийн хийн олборлолтын шинэ үе шат эхэлснийг зарласан нь, Мексикийн буланд нүүрсустөрөгчийн олборлолтыг голчлон эсэргүүцдэг Флоридагийн Бүгд Найрамдахчууд зэрэг улс төрийн хүчнүүдтэй ноцтой сөргөлдөөнд хүргэх нь гарцаагүй болж байна.

Энэхүү шийдвэр нь, газрын тосны үнэ бага байгаа хэдий ч Америкийн газрын тос, байгалийн хийн салбарынхан далайн эргийн шинэ бүс нутгуудад нэвтрэхийг тасралтгүй уриалж байгаатай холбоотой бөгөөд тус салбар, нэмэлт ажлын байр бий болгож, АНУ-ын эрчим хүчний бие даасан байдлыг бэхжүүлэхээр оролдож, найдаж байна гэжAssociated Press-ээс мэдээлжээ . 1995 оноос хойш, газрын тос далайд асгарч болзошгүй гэсэн болгоомжлолоос болж, Мексикийн зүүн буланд - Флоридагийн эргээс Алабамагийн эргийн хэсэг хүртэл далайн эргийн өрөмдлөг хийхийг холбооны засгийн газраас хориглосон ажээ.

Калифорни мужид далайн эргийн зарим олборлолт явагдаж байгаа ч, бараг 30 жилийн турш шинэ лиценз олгоогүй юм.

Нийтлэгдсэн хуваарийн дагуу 2026-2031 онуудад, холбооны усанд үйлдвэрлэлийн лицензийн 34 хүртэлх дуудлага худалдаа төлөвлөгдсөн:

Калифорнийн эрэгт: 6 хүртэлх

Аляскийн эрэгт: 21

Зүүн Мексикийн буланд: 2

Аляскийн дуудлага худалдаанууд нь, урьд өмнө нэг ч удаа олборлолт хийгдээгүй бүсүүдийг хамарч байна.

Энэ алхам нь Жо Байдены өмнөх засаг захиргааны дэлхийн дулааралтай тэмцэхийн тулд авсан бүх арга хэмжээг буцаах Трампын тууштай бодлогын нэг хэсэг юм. Трамп уур амьсгалын өөрчлөлтийг "хүн төрөлхтний түүхэн дэх хамгийн том луйвар" гэж удаа дараа нэрлэж, дотоодын шатамхай ашигт малтмалын олборлолтыг эрс нэмэгдүүлэх зорилготой Үндэсний Эрчим Хүчний Ноёрхлын Зөвлөлийг байгуулсан. Үүний зэрэгцээ, засаг захиргаа далайн эргийн салхин цахилгаан станц зэрэг сэргээгдэх эрчим хүчний хөгжлийг удаашруулж, ногоон эрчим хүчний тэрбум тэрбумын буцалтгүй тусламжийг цуцалсан юм.

Трампын эртний өрсөлдөгч, ирээдүйн ерөнхийлөгчийн сонгуульд нэр дэвшигч болох магадлалтай Калифорнийн Амбан захирагч Гэвин Ньюсом, “Манай мужийн эргийн ойролцоох далайн өрөмдлөгийг өргөжүүлэх оролдлого эхнээсээ л бүтэлгүйтэх нь тодорхой.” гэж мэдэгдсэн

Флорида мужид эргийн олборлолт уламжлалт байдлаар хоёр намын хоёулангийнх нь эсэргүүцэлтэй тулгардаг — учир нь, онгон байгалийн үзэсгэлэнт далайн эргүүд, тунгалаг ус нь жилд 131 тэрбум долларын аялал жуулчлалын орлого авчирдагтай холбоотой юм.

2018 онд Флоридын БНН сенатор Рик Скотт Трампыг Мексикийн буланд өрөмдлөг хийх төлөвлөгөөнөөс нь буцааж чадсан. Тэрээр болон түүний хамтрагч Бүгд Найрамдах намын сенатор Эшли Муди хоригийг хадгалах хуулийн төслийг хамтран санаачилсан юм.

Рик Скотт, "Бид Флоридагийнхан, манай үзэсгэлэнт далайн эрэг, эргийн ус манай мужийн эдийн засаг, экологи, амьдралын хэв маягт хэр чухал болохыг хэнээс ч илүү мэднэ. Би Флоридагийн эрэг цэвэр ариун хэвээр үлдэж, байгалийн баялаг маань ирээдүй хойч үедээ хадгалагдахын тулд үргэлж ажиллах болно." гэж 11-р сарын эхээр мэдэгдсэн байна.