Дөрөвдүгээр сарын 27-ны орой АНУ-ын Ерөнхийлөгч Дональд Трампын засаг захиргааны албаны хүмүүс, Цагаан ордны замын дагуу баривчлагдсан хууль бус цагаачдын гэрэл зураг бүхий олон арван зурагт хуудас байрлуулжээ.Энэ талаар Axios мэдээлсэн байна.

Уг зурагт хуудсууд нь, "Ерөнхийлөгчийг ажлаа авснаас хойш Трампын засаг захиргааны баривчилсан хамгийн муу хууль бус цагаачид болон гэмт хэрэгтнүүдийг" харуулсан гэж албаны хүмүүс тайлбарлав.

Учир шалтгаан

Pebble Beach дагуу ойролцоогоор 100-д хүмүүсийн гэрэл зурагтай зурагт хуудсууд бөгөөд зураг бүрийн дээд талд "БАРИИВЧЛАГДСАН" гэсэн бичээс, доод талд нь тухайн хүний ​​үйлдсэн гэмт хэрэг, Цагаан ордны албан ёсны лого байна.

Цагаан ордны төлөөлөгчийн хэлснээр, эдгээр зурагт хуудаснуудыг мэдээлэл хийж байгаа телевизийн сэтгүүлчдийн ард харагдуулахын тулд хийсэн гэжээ.

Хууль бус цагаачдын зурагны доор, "нэгдүгээр зэрэглэлийн аллага", "хүүхэд хүчирхийлэгч" "хүн хулгайлсан гэмт хэрэгтэн, хүчиндэгч", "аллага", "хүүхдийн хүчингийн хэрэг үйлдэгч", "фентанил тараасан гэмт хэрэгтэн" гэсэн хэргүүдээр баривчлагдсан гэж тэмдэглэсэн байна.

Мөн “Насанд хүрээгүй хүүхдийг бэлгийн хүчирхийлэлд өртсөн”, “Хүүхэдтэй бэлгийн харьцаанд орсон”, “Хүүхдийн нүдэн дээр зохисгүй үйлдэл хийсэн” хэмээн буруутгагдаж буй хүмүүсийг дүрсэлсэн зурагт хуудаснууд байрлуулжээ.

Баривчлагдсан бүх хүмүүсийг нийтэд нь "хууль бус цагаачид" гэж тодорхойлсон, гэхдээ тэдний нэрс, хууль эрх зүйн байдлын талаар тодорхой мэдээлэл өгөөгүй байна.

Үнэлгээ унаж байна

Сүүлийн үед Трампын үнэлгээ хамгийн доогуур байгаа хэдий ч, ерөнхийлөгчийн баг цагаачлал, олноор нь албадан гаргахыг дэмжсэн үйлдлийг улс төрийн ялалт гэж үзсээр байна.

Энэхүү зурагт хуудаснууд байрлуулсан арга хэмжээ нь, цагаачдыг олноор баривчилж буй үе, мөн Цагаан ордны бодлоготой санал нийлэхгүй байгаа шүүгчид албадан гаргах эргэлзээтэй арга хэмжээ авч байна гэж засаг захиргааг шүүмжилж байгаа үед гарч байна.

Трампын ерөнхийлөгчийн албан тушаалын энэ үе шатанд түүний ажлын зөвшөөрлийн үнэлгээ нь сүүлийн 80 жилийн хугацаанд ерөнхийлөгчдийн дундаас хамгийн доогуур үзүүлэлт болж байна.

Трампын рейтинг бүх талаараа унаж байна. Ассошиэйтед Пресс-NORC Олон нийттэй харилцах судалгааны төвөөс явуулсан шинэ санал асуулгаар цагаачлалын асуудал түүний хамгийн их санаа зовоосон асуудал хэвээр байна.

Судалгаанд оролцогчдын 52% нь Трампын албадан гаргах бодлогыг "зөв" эсвэл "хангалттай явагдахгүй байна" гэж хариулжээ.

Нийтдээ 46% нь, Трампын цагаачлалын асуудлыг зохицуулахыг дэмжиж байна гэж хариулжээ. Энэ нь эдийн засаг, худалдааны ажиллагааг дэмжих түвшингээс 10 орчим пунктээр өндөр байна. Гэсэн ч, Трампын цагаачлалын бодлогыг дэмжих дэмжлэг буурч байгаа бололтой.

YouGov/Economist-ийн өнгөрсөн долоо хоногийн сүүлээр явуулсан санал асуулгаар, түүний цагаачлалын бодлогыг сайшаасан үнэлгээ 45% байсан. Ердөө өрөвдүгээр сарын 16-наас хойш гэхэд 10 пунктээр буурсан байна.