АНУ нь маш баялаг, сонирхолтой өв соёлтой улс юм.  Гэхдээ олон хүн мэддэггүй, АНУ-ын талаар маш сонирхолтой 15 баримтыг “Вокруг Света” сэтгүүл  нийтэлжээ.

1. 1958 онд АНУ-ын төрийн далбааны орчин үеийн (50 одтой) загварыг 17 настай сурагч бүтээжээ. Энэ бол Роберт Хефтийн гэрийн даалгавар байсан бөгөөд дашрамд хэлэхэд тэрээр 4 оноо авсан.

2. 1956 онд In God We Trust ("Бид Бурханд итгэдэг") гэсэн хэллэг АНУ-ын албан ёсны уриа болжээ. Энэ нь Иргэний дайны үед гарч ирсэн гэж таамаглаж байгаа бөгөөд одоо Америкийн бүх мөнгөн дэвсгэрт дээр байдаг.

3. Эрх чөлөөний хөшөөний титэм дээрх долоон туяа нь долоон тивийг бэлгэддэг. Тус бүрийн урт нь 2.75 м, жин нь 68.5 кг юм.

4. Хэрэв таны халаасанд 10 доллар байгаа бөгөөд огт өргүй бол та америкчуудын 25%-аас илүү баян гэсэн үг. АНУ-ын гадаад өр 21 их наяд ам.доллар давсан бөгөөд байнга өссөөр байна.

5. АНУ-д хүүхдүүдийн 40 орчим хувь нь гэр бүлээс гадуур төрсөн байдаг. Энэ нь юуны түрүүнд Америкт хамтран амьдардаг хосууд харилцаагаа хуульчилсан хосуудаас олон байгаатай холбоотой юм. Сонирхуулахад, 8 дахь гэрлэсэн хос бүр интернэтээр танилцсан байдаг.

6. Америкчуудын 74% нь бурханд итгэдэг ч статистикийн мэдээгээр 42% нь сүнс байдаг, 26% нь шулам байдаг, 24% нь хойд дүр байдаг гэдэгт итгэдэг. Үүний зэрэгцээ АНУ энэ талаархи шинжлэх ухааны нийтлэлийн тоогоор тэргүүлдэг бөгөөд энэ нь дэлхий даяар нийтлэгдсэн нийтлэлүүдийн 30 орчим хувийг эзэлдэг.

7. АНУ-д дөрвөн өнцөгтэй өвөрмөц дурсгал байдаг (Дөрвөн өнцөгт хөшөө). Энэхүү хөшөө нь Америкийн Аризона, Нью Мексико, Юта, Колорадо гэсэн дөрвөн муж нэг дор огтлолцдог цорын ганц цэг дээр байдаг. Бетон тавцан хэлбэртэй анхны тэмдэглэгээг 1912 онд суурилуулж, дараа нь 1931 онд хүрэл диск хийж, 1992 онд Дөрвөн өнцөгт хөшөөг одоогийн байдлаар барьжээ.

8. АНУ-д төрийн албан ёсны хэл байдаггүй. Америкчуудын 80% нь англи хэлний статусыг хуульчлах саналыг удаа дараа тавьж байсан. Гэхдээ холбооны түвшинд ийм шийдвэр гараагүй байна.

9. 1776-1967 онд АНУ-д өөр өөр үндэстний хүмүүсийг хоорондоо гэрлэхийг хориглодог байжээ.

10. АНУ-д маш олон хөгжилтэй хууль байдаг. Жишээлбэл, Охайо мужид ням гаригт эрдэнэ шишийн амттан худалдаж авах боломжгүй, Луизиана муж улсын Нью Орлеанд матрыг галын цоргоноос уяж болохгүй, Нью-Йоркт халаасандаа зайрмаг авч явах боломжгүй, Аризона мужид, хэрэв та угаалгын өрөөнд илжиг унтуулах юм бол торгуулна.

11. АНУ-ын арми Хятадад үйлдвэрлэсэн АНУ-ын далбааг ашиглахыг хориглодог.

12. АНУ-ын Арканзас, Мэрилэнд, Миссисипи, Хойд Каролина, Өмнөд Каролина, Теннесси, Техас зэрэг 7 мужид шашингүй үзэлтнүүд төрийн албан тушаал хашиж болохгүй. Үүнийг орон нутгийн үндсэн хуулиар хориглосон байдаг.

13. Долларын дэвсгэртийн 90% нь кокаины ул мөртэй байдаг. Тэдний заримыг нь кокайн үнэрлэхэд ашигладаг байсан, харин заримыг нь хар тамхины наймаанд ашиглаж байсан гэдгээр тайлбарладаг.

14. Америкт ижил овог нэртэй 4746 хүн байдаг. Ихэнхдээ энэ нь Томас Томас (Thomas Thomas) юм.

15. Эхнэрээсээ салсны дараа сонгогдсон цорын ганц Америкийн ерөнхийлөгч бол Рональд Рейган юм. Үүний зэрэгцээ АНУ-д цаг тутамд 100 орчим хос салдаг. Дональд Трамп мөн хэд хэдэн удаа салсан ч 2016 онд сонгогдохдоо Меланиатай гэрлэсэн байв.