АНУ-ын үндэсний цэцэрлэгт хүрээлэнд ирсэн жуулчдыг бах долоохоо болихыг шаардддаг
Tue Nov 08 2022
Үндэсний цэцэрлэгт хүрээлэнгийн албанаас (NPS) сэрэмжлүүлснээр Колорадо бахыг долоохоос татгалзах хэрэгтэй гэж CNN мэдээлэв.
Мөн NPS нь Соноран цөлийн бах гэгддэг Колорадо бахаас болгоомжлохыг хүмүүст анхааруулахын тулд Facebook-ийг ашиглаж байгаа бөгөөд энэхүү хоёр нутагтан бах нь Хойд Америкт олддог хамгийн том бахын нэг, 3 см хүртэл хэмжээтэй, маш өвөрмөц "доод өнгийн дуу чимээ гаргадаг" гэж NPS мэдээлжээ.
Түүнчилэн, энэхүү Америкийн баруун өмнөд нутгийн уугуул бах нь бас нэг өвөрмөц онцлогтой: NPS-ийн мэдээлснээр тэд " чихнийхээ хавьд хүчтэй хорт бодис ялгаруулдаг паротид булчирхайтай", тэр нь бахны нүдний ард байрладаг байна.
Эдгээр хорт бодисууд нь бахыг амандаа хүргэх, эсвэл амандаа хийсэн тохиолдолд хүнийг өвчлүүлэх чадвартай гэнэ. Тиймээс бахтай тааралдсан хүмүүсийг "долоохоо болихыг" тус албаныхан зөвлөж байна.
Бахны хор нь бусад амьтдад онцгой аюултай. Амьтны хүрээлэнгийн холбооноос итгэмжлэгдсэн Аризона-Сонора цөлийн музейн мэдээлснээр, нэг бахнаас ялгарах хорт бодис нь насанд хүрсэн нохойг алахад хангалттай гэсэн байна.
Гэтэл хүмүүс хорт бодисыг өөр зорилгоор ашигладаг. Үүнийг долоох, тамхинд хийж татах үед хорт бодис нь хүчтэй сэтгэцэд нөлөөлж, эйфори болон сонсголын хүчтэй хий үзэгдэл үүсгэдэг гэж Окландын амьтны хүрээлэнгээс мэдэгджээ.
Калифорнид бахны буфотенин гэгддэг энэхүү хорыг эзэмших нь хууль бус гэж амьтны хүрээлэнгээс мэдэгджээ.
