АНУ-ын хэд хэдэн компани хүний ​​тархинд, хүнийг сэтгэл гутрал, хямралаас ангижруулах чип суулгах туршилтаа эхлүүлээд байна

Элон Маскийн Neuralink компани тархины чипээ зургаан сарын дараа хүн дээр ​​​​туршихаар төлөвлөж байгаа бол, нейротехнологийн компани Inner Cosmos сэтгэл гутралыг эмчилдэг тархины төхөөрөмжөө танилцуулсан бөгөөд. эхний өвчтөнийхөө гавлын ясанд аль хэдийн суулгасан талаар Daily Mail нийтлэв.

Inner Cosmos "дижитал эм" нь, хуйхан доор байрлуулсан электрод болон төхөөрөмжийг тэжээлээр хангах хэрэглэгчийн үсэнд наалддаг "капсул" гэсэн хоёр хэсгээс бүрдэнэ. Суулгац нь өдөрт нэг удаа 15 минутын турш тархины депрессэд өртдөг зүүн урд талын бор гадаргын хэсэгт цахилгаан импульсийг илгээдэг бөгөөд гаднах төхөөрөмж нь эмчилгээ явагдаагүй үед толгойноос салгагдсан байдаг. АНУ-ын Сент-Луис дахь туршилтын өвчтөнд нэг жилийн турш Inner Cosmos инновацийг турших бөгөөд тус компани ирэх сард өөр хүмүүс дээр туршилт хийхээр төлөвлөж байна.

Энэхүү тархины эмгэгийг эмчлэх суулгац нь энэ салбарт өрсөлдөөн шуугиан тарьж, хэд хэдэн компани бүтээгдэхүүнээ хамгийн түрүүнд зах зээлд гаргахаар өрсөлдөж буй аж.

Маскийн Neuralink компани, саяхан тархиндаа чиптэй сармагчины гарыг нь удирдаж, бүтэн өгүүлбэр бичих боломж олгож буйг харуулсан бүтээгдэхүүнийхээ үзэсгэлэнг зохион байгуулжээ.

Харин Synchron нь. 7-р сард хүн дээр ​​тархины суулгацын туршилтаа эхлүүлсэн бөгөөд энэ нь компьютерийг бодлоор удирдах боломжийг олгодог байна.

Мөн бичгийн хавчаарны хэмжээтэй Stentrode тархины суулгацыг Нью-Йорк, Питтсбургийн хүнд хэлбэрийн саажилттай зургаан өвчтөнд суулгах гэж байна. Stentrode нь, өвчтөнд дижитал төхөөрөмжүүдийг оюун ухаанаараа удирдаж, мессеж бичих, цахим шуудангаар авах, онлайн худалдаа хийх зэрэг өдөр тутмын ажлыг гүйцэтгэх боломжийг олгоно.

Судалгааны төвүүд ч мөн адил  тархины чип бүтээхээр ажиллаж байгаа юм.

Бристол хотын Southmead эмнэлэг Паркинсоны өвчний шинж тэмдгийг арилгадаг төхөөрөмж суулгасан дэлхийн анхны эмнэлэг гэж тооцогддог.

Харин Inner Cosmos дижитал таблет одоогоор хамгийн жижиг, хамгийн бага инвазив технологитой суулгацаар тооцогдож байна. Тус компани төхөөрөмжийнхөө залгуурыг Apple Watch цэнэглэгчтэй харьцуулсан байдаг. Төхөөрөмжийг суулгах үйл ажиллагаа нь амбулаторийн байранд 30 минут үргэлжилдэг.

Inner Cosmos компанийг, бизнес эрхлэгч Мерон Грибец үүсгэн байгуулсан бөгөөд тэрээр хүүхэд байхдаа анхаарал сулрах өвчтэй гэсэн оноштой байжээ. Тэрээр, -"Бидний эрхэм зорилго бол хүний ​​оюун ухааныг тэнцвэржүүлэх замаар хүн төрөлхтний танин мэдэхүйн чадварыг сэргээдэг ертөнцийг бий болгох явдал юм. Дэлхий ертөнц, эмх замбараагүй мэдээллээр дүүрч, тодорхойгүй мэдлэгээс улбаатай сэтгэлийн хямралд нэрвэгдэх ноцтой  байдалд байна. Үүний үр нөлөө нь сая сая хүмүүсийн сэтгэл гутрал, хямралын түвшинг эрс нэмэгдүүлсэн. Бидний арга барил нь сэтгэлийн хямралд орсон хүмүүсийн амьдралыг хөнгөвчлөх, улмаар бусад танин мэдэхүйн эмгэгүүдийг эмчлэх боломж олгоно гэдэгт бид итгэдэг. Inner Cosmos-ийн зорилго бол жороор олгодог эмээс татгалзаж, илүү "үр дүнтэй эмчилгээ" рүү шилжих явдал. Сэтгэл гутрал, анхаарлын хомсдол болон сэтгэлийн түгшүүрийн эмгэгт өртсөн 140 сая америкчууд жил бүр энэхүү сэтгэлийн хямралаа эмчлэхийн тулд эм хэрэглэдэг. Энэ нь iPhone хэрэглэдэг хүмүүсийн тооноос олон хүн юм. Inner Cosmos дижитал таблет нь сэтгэл санааны байдал, сэтгэл гутралын графикийг харуулдаг ухаалаг гар утасны аппликейшнээр ажилладаг бөгөөд эмчтэйгээ хамт хянах боломжтой байдаг. Энэ нь,  анх удаа эмч нарт ийм төрлийн мэдээллийг ашиглах боломж олгосноороо, "амиа хорлох хүнд хэлбэрийн  сэтгэл гутралыг эрт оношлох, буруу оношлохоос сэргийлэх зэргээр хувь хүн болон эрүүл мэндийн салбарын зардлыг хэдэн тэрбумаар хэмнэнэ. Энэ суулгац нь тархины чипийн зах зээл дээрх бусад суулгацуудаас 10 дахин бага хэмжээтэй бөгөөд бид маш их баяртай байна. Бид энэ зүйлийг бүтээхэд зургаан жил зарцуулсан." гэж Грибетс 2022 онд танилцуулгынхаа үеэр ярьсан байна.