АНУ-д сүүлийн үед тохиолдсон олон хүний амь бүрэлгэсэн галт зэвсгийн халдлагууд.

АНУ-д сүүлийн үед олон нийтийг цочирдуулсан галт зэвсгийн халдлагууд ойр ойрхон тохиолдох болж байна. Өчигдөр л гэхэд 7-р сарын 4-нд, Чикаго хотын захын дүүрэгт зэвсэгт этгээд баярын жагсаалд оролцогчид руу гал нээжээ. Үүний улмаас 6 хүн амь үрэгдэж, 30 гаруй хүн шархджээ. Сэжигтэн этгээдийг баривчилсан байна.

VESTAVIA HILLS, АЛАБАМА
Өнгөрөгч 6-р сарын 16-нд Бирмингем хотын захын Гэгээн Стивен Эпископын сүмд буудалцаан болж, хоёр хүн нас барж, нэг хүн эмнэлэгт хүргэгдсэн байна. Цагдаа нар сэжигтнийг цагдан хорьж байгаа гэж мэдэгдэв.

DUNCANVILLE, TEXAS
6-р сарын 13-ны өдөр Даллас хотын ойролцоох биеийн тамирын зааланд, 150 гаруй хүүхэд өдрийн зусланд хамрагдан хичээллэж байхад гэмт этгээд гал нээсэн ба цагдаа нар уг этгээдийг буудан хөнөөсөн байна.

CHATTANOOGA, TENNESSEE
6-р сарын 5-нд уг хотын нэгэн рестораны гадаа буудалцаан болж, гурван хүн нас барж, 14 хүн шархадсан. Цагдаа нар 3 хүнийг баривчилсан байна.

PHILADELPHIA
6-р сарын 4-нд Филадельфи хотын хөл хөдөлгөөнтэй гудамжинд нударга зөрүүлснээр эхэлсэн танхайрал, буудалцаан болсон ба энэ үеэр 3 хүн нас барж, 11 хүн шархаджээ. Амиа алдсан хүмүүсийн 2 нь гэмт хэрэгтнүүд байсан ба бусад зодоонд оролцсон хүмүүсийг мөн хэрэгт холбогдуулан баривчилсан байна.

DAYTON, OHIO
Эмнэлэгт эмчлүүлж байсан шоронгийн хоригдол 6-р сарын 1-ний өдөр хамгаалалтын ажилтныг буудан хөнөөж, бусад руу зэвсгээ чиглүүлж, зогсоол дээр амиа егүүтгэсэн.

TULSA, OKLAHOMA
6-р сарын 1-ний өдөр зэвсэгт этгээд мэс засалч эмчийнхээ ба өөр 3 хүний ​​амийг хөнөөгөөд цагдаа нарыг ирэх үед амиа хорложээ.

UVALDE, TEXAS
5-р сарын 24-нд, Робб бага сургуульд 18 настай зэвсэгт этгээд 19 хүүхэд, хоёр насанд хүрэгчдийн аминд хүрсэн бөгөөд энэ хэрэг нь сүүлийн 10 жилийн хугацаанд сургуулийн бүсэд хамгийн олон хүний ​​аминд хүрсэн хэрэг болжээ. Мөн 15 гаруй хүн шархаджээ. Хууль сахиулагчид халдлага үйлдэгчийг устгасан байна.

CHICAGO
5-р сарын 19-ний өдөр Magnificent Mile худалдааны төвөөс хэдхэн гудамжны зайтай буудалцаан болж, 2 хүн амиа алдаж, 7 хүн шархадсан. Уг хэрэгт 2 хүнд эрүүгийн хэрэг үүсгэсэн.

LAGUNA WOODS, CALIFORNIA
5-р сарын 15-ны өдөр Өмнөд Калифорнид, зэвсэгт этгээд Тайванийн сүм хийдийнхэн рүү гал нээсний улмаас нэг хүн амиа алдаж, таван хүн шархадсан. Эрх баригчид зэвсэгт этгээдийг Тайвань улс, үндэстийг үзэн ядах сэдэлтээр үйлдсэн гэж мэдэгджээ. Түүнийг хүн амины хэрэг болон бусад хэрэгт буруутгаж байгаа юм.

BUFFALO, NEW YORK
Өнгөрөгч 5-р сарын 14-нд хар арьстнууд голдуу амьдардаг дүүрэг дэх супермаркетад цагаан зэвсэгт этгээд гал нээж, 10 хүний ​​аминд хүрч, бусад хүмүүсийг шархдуулсан юм. Түүнийг холбооны үзэн ядалтын гэмт хэрэгт буруутгаж байгаа бөгөөд хэрвээ гэм буруутай нь тогтоогдвол цаазаар авах ял авч магадгүй юм.

Эх сурвалж: apnews.com