Scale AI-ийг үүсгэн байгуулагч, 30 настай Люси Гуо дэлхийн хамгийн залуу тэрбумтан болжээ. Тэрээр амжилтандганцаараа бие даан хүрч, харин компаниа орхихдоо хувьцаагаа хэвээр үлдээсэн гэж Forbes бичжээ.

Алдартай хиймэл оюун ухаант компани Scale AI, компанийн ажилчид болон хөрөнгө оруулагчдад хувьцаагаа шинээр болон буцаж ирсэн хөрөнгө оруулагчдад худалдах боломжийг олгох тендерийн саналыг хааж байна. Тус компани 25 тэрбум доллараар үнэлэгддэг гэж энэ талаар сайн мэддэг хэд хэдэн хүмүүс хэлж байна. Энэ нь өнгөрсөн оны тавдугаар сараас 80%-иар өссөн бөгөөд тус компани 13.8 тэрбум долларын үнэлгээтэй байхдаа нэг тэрбум доллар босгож байсан юм.

Энэхүү шинэ үнэлгээгээр, Scale AI компанийг үүсгэн байгуулагч 30 настай Люси Гуо дэлхийн хамгийн залуу бие даасан тэрбумтан эмэгтэй болж байна. Го 2023 оны сүүлээс хойш аварга цолыг эзэмшиж байсан 35 настай поп од Тэйлор Свифтийг гүйцэж түрүүлэв.

Компьютерийн шинжлэх ухаанаар суралцаж байсан Гуо, сургуулиа орхин 2016 онд 19 настай Александр Вантайхамтран ScaleAI компаниа үүсгэн байгуулсан бөгөөд Ван Гүйцэтгэх захирал болж, Гуо Сан Францискод төвтэй стартапыг удирдаж байжээ. Хоёр үүсгэн байгуулагч хоёулаа 2018 онд Forbes-ийн 30-аас доош насныхны жагсаалтад багтсан. Тэр жилдээ тэд компанийн удирдлагын талаар санал зөрөлдөж, Ван, Гуог халсан.

Гуо компаниас гарсныхаа дараа, дараагийн гарааны бизнес дээрээ ажиллаж байхдаа компанийнхаа ихэнх хувийг ухаалгаар авч үлджээ. Одоо бараг 1.2 тэрбум доллараар үнэлэгдсэн Scale AI-ийн 5-аас доош хувийг эзэмшдэг. Тендерийн саналын хүрээнд тэр хувийг зарж байгаа эсэхээ хэлээгүй. Бусад хөрөнгөө, түүний дотор Passes нэртэй хоёр дахь гарааны бизнест оролцсоныг харгалзан үзвэл түүний хөрөнгийг 1.25 тэрбум доллараар үнэлжээ.

"Би энэ талаар нэг их боддоггүй. "Одоохондоо энэ бүхэн цаасан дээр байгаа нь харамсалтай" гэж тэр бичжээ.Scale-ийн үнэ цэнийн өсөлт нь мөн, хамгийн залуу бие даасан эрэгтэй тэрбумтан, гүйцэтгэх захирал Александр Вангийн цэвэр хөрөнгийг 2 тэрбум доллараас 3.6 тэрбум долларт хүргэв.

Гуо бол, дэлхийн 40-өөс доош насны зургаан эмэгтэй тэрбумтнуудын нэг бөгөөд хэдэн жилийн өмнө орхисон компаниасаа баялгийнхаа ихэнх хувийг бүрдүүлсэн цорын ганц хүн юм.

Хятад цагаачдын охин Гуо, Сан Францискогийн буланд өссөн бөгөөд ахлах сургуульд байхдаа код бичиж эхэлсэн. Тэрээр Карнеги Меллоны их сургуульд компьютерийн шинжлэх ухаан, хүн-компьютерийн харилцан үйлчлэлийн чиглэлээр суралцсан боловч тэрбумтан Питер Тиэлийн үзэл санаагаар оюутнуудад гарааны бизнес эрхлэхэд мөнгө төлдөг Тиел Фэллоу болохын тулд сургуулиа орхисон. 2015 онд тэрээр Quora-д бүтээгдэхүүн зохион бүтээгчээр ажилд орж, Вантай танилцжээ. Хожим нь Гуо Quora-г орхиж, 2016 онд түүнтэй хамтран Scale AI-г үүсгэн байгуулахаасаа өмнө Snapchat-д богино хугацаанд ажилласан ажээ.

Тус компани нь, хиймэл оюун ухааныг сургахад шаардлагатай өгөгдлийг шошголох хиймэл оюун ухааны "нийвий, хүрз" гэж Вангийн нэрлэсэн зүйлийг хийдэг: Scale AI эхлээд бие даасан ажилчдыг бага мөнгөөр ​​хөлсөлж ажиллуулдаг байжээ. Хэсэг хугацааны дараа, үйлчлүүлэгчидэд нь, АНУ-ын засгийн газар (Украйн дахь хиймэл дагуулын зургийг шинжлэхэд Scale-ийн технологийг ашигласан) болон OpenAI (ChatGPT-ийг сургах) зэрэг газрууд багтах болсон байна.

Scale-ээс гарсны дараа Гуо, венчур капиталын Backend Capital фирмийг үүсгэн байгуулжээ. Тэрээр, “Миний хийсэн хамгийн сайн хөрөнгө оруулалтын нэг бол 2020 онд санхүүгийн програм хангамжийн компани болох Ramp-д зургаан оронтой хөрөнгө оруулалт хийсэн явдал юм” гэж ярьдаг. Одоо тус компани 13 тэрбум доллараар үнэлэгдэж байна (түүнийг үүсгэн байгуулагчдын гурав нь одоо тэрбумтан болсон).

Дараа нь 2022 онд Гуо, венчур хөрөнгө оруулалтад анхаарлаа хандуулж, өөрийн Passes компанийг үүсгэн байгуулж, Patreon болон OnlyFans-тай төстэй платформыг үүсгэн, контент бүтээгчид болон алдартнуудыг онлайн чат, видеоны төлбөрийг авах замаар шүтэн бишрэгчидтэйгээ харилцах боломжтой болгосон. Passes-тэй гэрээ байгуулсан оддын дунд, гимнастикч Оливиа Данн, сагсан бөмбөгийн домогт тамирчин Шакил О'Нил, DJ Киго нар байдаг. Гуo 2022-2024 оны хооронд 50 сая доллар цуглуулсан. Passes нь 150 сая доллараар үнэлэгдсэн. Өнгөрсөн сард тус компанийг хүүхдийн бэлгийн хүчирхийллийн материалыг (CSAM) байршуулсан гэж буруутгаж 2025 оны 2-р сард Флоридагийн өмнөд дүүргийн Холбооны шүүхэд нэхэмжлэлийг контент бүтээгч Алис Розенблум шүүхэд өгөөд байна. Тэрээр, Passes нь, түүний насанд хүрээгүй байхдаа (18 нас хүрэхээсээ нэг сарын өмнө) авсан сексийн агуулгатай зураг, бичлэгийг нийтэлж, тараасан гэж мэдэгджээ. Шүүхэд . Passes-г үүсгэн байгуулагч, гүйцэтгэх захирал Люси Гуа болон Алек Селестин, Лани Гиноза нарын хоёр хүн байдаг гэж тодорхойлсон байна.

Розенблум, Passes-ийн гэрээлэгч асан Селестин түүнийг 2024 оны 5-р сард элсүүлж, насанд хүрээгүй гэдгийг нь мэдсэн ч задгай контент үүсгэхэд нөлөөлсөн. Гуо нь түүний агуулгыг CSAM гэж тэмдэглэсэн хамгаалалтын механизмыг идэвхгүй болгохын тулд биечлэн оролцсон гэж мэдэгдэв. Passes энэ мэдэгдлийг үгүйсгэж, CSAM-д зургийг автоматаар сканнердахын тулд Microsoft PhotoDNA зэрэг салбарын стандарт хэрэгслийг ашигладаг бөгөөд платформ нь тодорхой контентыг зөвшөөрдөггүй гэж мэдэгдсэн бөгөөд мөн тус компани Селестиныг Passes дахь эрх мэдлээ хэтрүүлсэн гэж мэдэгджээ.

Мөн гуравдагч этгээдийн үйлдлийг Passes болон түүний үүсгэн байгуулагч Люси Гуотой холбосон аливаа оролдлого нь үндэслэлгүй бөгөөд зөвхөн тэднийг шүүхэд татах зорилготой" гэжээ.

Гуо, урт ажлын цагаар ажиллахаас гадна Barry's Bootcamp спорт зааланд хатуу бэлтгэл хийдэг. Дөрөвдүгээр сарын эхээр тэрээр Инстаграмдаа, Баруун Холливуд дахь Барригийн биеийн тамирын зааланд авсан зургийнхаа доор "Сахилга бат ба Нойр, 3000 дасгал хийж дуусав" гэсэн гарчигтай пост нийтэлсэн. Түүний нийтлэх дуртай бусад сэдэв бол, Коачелла болон саяхан Майамид болсон Ultra Music Festival зэрэг хөгжмийн наадам юм.