АНУ-ын засгийн газрын үйл ажиллагаа ийнхүү удаан хугацаагаар түр зогссон нь, АНУ-ын түүхэнд холбооны санхүүжилт хамгийн удаан хугацаанд тасалдсан үйл явдал болжээ. CNBC мэдээлснээр, 2019 онд тогтоосон өмнөх дээд амжилтыг өнөөдөр буюу 11-р сарын 5-нд эвдэж, үйл ажиллагааг түр зогссон хугацаа 36 хоног болжээ.

11-р сарын 4-нд, энэхүү гацалтаас гарах сүүлчийн оролдлого бүтэлгүйтсэн бөгөөд Бүгд Найрамдахчууд засгийн газрыг дор хаяж, хэсэгчлэн санхүүжүүлэх түр хуулийн төслийг Сенатад батлуулахыг 14 удаа оролдсон ч, Сенат энэ саналыг байнга няцааснаар нөхцөл байдал өөрчлөгдөөгүй хэвээр байна.

АНУ-ын түүхэн дэх хамгийн удаан үргэлжилсэн засгийн газрын хоёр түр зогсолт, хоёулаа Ерөнхийлөгч Дональд Трампын үед болсон гэдгийг тэмдэглэв.

Санхүүжилтийн маргааны гол цөм нь, жилийн эцэст хугацаа нь дуусах Боломжит үнэтэй эмчилгээний тусламж үйлчилгээний тухай хуулийн, даатгалын шимтгэлд ногдуулсан татварын нэмэгдлийг сунгах асуудалд оршиж байгаа бөгөөд эдгээрийг цуцлах нь, сая сая америкчуудын эрүүл мэндийн зардлыг мэдэгдэхүйц нэмэгдүүлэх ажээ.

Ардчилсан намынхан, эдгээр татаасыг сунгадаггүй ямар ч хэлбэрийн түр тогтоол батлахын төлөө санал өгөхөөс татгалзсан. Харин Бүгд Найрамдахчууд, засгийн газар дахин нээгдэх хүртэл хэлэлцээр хийхийг үгүйсгэж байна. Тэд Сенатад цөөхүүл учираас, 60 саналын босгыг давахын тулд Ардчилсан намын санал хэрэгтэй хэвээр байгаа юм.

Гэсэн хэдий ч зарим Бүгд Найрамдахчууд, 11-р сарын 4-нд зогсолт энэ долоо хоногт дуусна гэдэгт итгэлтэй байгаагаа "өөдрөг"-өөр мэдэгдсэн бөгөөд Сенатор Майк Раундс (Өмнөд Дакота Бүгд Найрамдах нам) сэтгүүлчдэд , түр зогсолтын хугацаа шинэ дээд хэмжээнд хүрч, 11-р сарын 4-нд болох ихэнх муж улс, томоохон хотуудад захирагч, хотын даргын сонгууль дууссаны дараа, Ардчилсан нам буулт хийхэд илүү бэлэн байх болно гэж үзэж байгаагаа ярьжээ. Тэрээр, сонгогчидод хандан "Бид ерөнхийлөгчтэй тэмцэж байна. Ийм зүйл болж байгаагийн гол шалтгаан нь үүнд байж магадгүй" гэж мэдэгдэв. Сенатор Марквейн Муллин (Оклахомагаас Бүгд Найрамдах нам) ирэх өдрүүдэд хаалт дуусна гэдэгт "маш итгэлтэй" байгаагаа мэдэгдсэн юм.

Харин зарим Ардчилсан намынхан, хурдан буулт хийх боломжид шүүмжлэлтэй хандаж, эргэлзэж байна. Ричард Блюментал (Коннектикут муж Ардчилсан нам) "Гэсэх шинж тэмдэг илэрч байгаа ч, би шууд шийдэл олж харахгүй байна. Одоогоор Бүгд Найрамдах намынхан, Америкчуудын эрүүл мэндийн даатгалыг баталгаажуулах хүсэл эрмэлзэлтэй байгааг би олж харахгүй байна" гэж онцоллоо. Сенатор Элизабет Уоррен (Массачусетс мужийн Ардчилсан нам), "Бүгд Найрамдах намынхан эцэст нь, Ардчилсан намынхантай хэлэлцээрийн ширээнд суухад бэлэн байна гэсэн үг, учир нь тэд үүнийг нэг ч удаа хийгээгүй" гэж ярьжээ.